Pas grindjesh dhe debatesh, Qeveria gjermane ka miratuar projekt-buxhetin federal për vitin 2024 dhe planin financiar deri në vitin 2027. Ekspertët janë kritikë ndaj propozimit të ministrit të Financave.
Në qendër të draftit të buxhetit për vitin 2024, ministri Christian Lindner ka vendosur vijimin e kursit të konsolidimit, dhe frenimin e borxhit shtetëror.
“Kursi i konsolidimit duhet të vazhdojë me vendosmëri në vitet e ardhshme”, tha kreu i FDP-së në prezantimin e projekt-buxhetit për vitin 2024 dhe planit financiar deri në vitin 2027.
Nuk ka rritje tatimore, e megjithatë borxhi duhet frenuar.
Por, ministri i Financave i qëndron besnik politikës së tij, një kthim në normalitet pas shumë vitesh borxhesh astronomike me qindra miliarda euro të marra hua për të përballuar pandeminë COVID-19 dhe pasojat e luftës së Ukrainës është i nevojshëm.
Prioritetet e ministrit të Financave për buxhetin e vitit 2024 janë rinovimi i infrastrukturës së të gjitha mënyrave të transportit, digjitalizimi i shtetit dhe forcimi i Bundeswehrit. Të tjerët duhet të shtrëngojnë rripin. Ministrisë së punëve të jashtme i zvogëlohet dukshëm buxheti me 17 për qind.
Siguria me prioritet numër një
Pas vendimit të kabinetit, kancelari Olaf Scholz e cilësoi sigurinë si fokus qendror të planifikimit buxhetor.
“Projektbuxheti ka përparësi që janë të dukshme. Para së gjithash, bëhet fjalë për sigurinë e vendit tonë. Ai iu referua mbështetjes gjithëpërfshirëse për Ukrainën për shkak të agresionit të Rusisë si dhe forcimit të ushtrisë gjermane. Siguria është një sfidë e madhe dhe natyrisht kjo do të thotë edhe sfida për pjesën tjetër të buxhetit”, tha Scholz në Bundestag.
Scholz e cilësoi prioritetin e dytë të buxhetit federal për të siguruar që Gjermania të mbetet “një vend modern i industrializuar”. Kancelari federal përmendi ristrukturimin e ekonomisë drejt neutralitetit të klimës, por edhe zgjidhjen e kompanive teknologjike si fabrikat e gjysmëpërçuesve.
Në vend të tretë, Scholz foli për “sigurimin e kohezionit të shoqërisë”. Bëhet fjalë për “të bërë gjithçka që është e nevojshme në mënyrë që të gjithë të mund të përballojnë”. Qeveria tashmë ka bërë shumë këtu dhe do të vazhdojë ta bëjë këtë.
Frenimi i borxhit do të hyjë përsëri në fuqi
Për të dytin vit me radhë, frenimi i borxhit do të hyjë përsëri në fuqi në vitin 2024. Megjithatë, Lindner dëshiron të shfrytëzojë plotësisht fushëveprimin për borxhin e ri të lejueshëm me pak më pak se 16.6 miliardë euro, sipas propozimit të kabinetit. 445.7 miliardë euro janë planifikuar të jenë shpenzimet për 2024, rreth 30 miliardë euro më pak se këtë vit. Me gjithë vendimin e kabinetit, ekzistojnë ende grindje brenda koalicionit tripartiak qendrës së majtë për disa çështje.
Çështja që ka ngjallur më shumë debat kohët e fundit është ajo e sigurisë bazë për fëmijët. Ky është një nga projektet kryesore të krahut të majtë të qeverisë që është parashikuar të vihet në zbatim duke filluar nga viti 2025. Deri në fund të gushtit partitë e koalicionit, SPD, FDP dhe Të Gjelbrit duhet të bihen dakord se sa para do të caktojnë për këtë në planin financiar.
Lindner ka llogaritur 2 miliardë euro, shumë më pak nga 12 miliardë eurot që kishte parashikuar ministrja e Familjes, Lisa Paus (Të Gjelbërit). Një tjetër mollë sherri mes partnerëve të koalicionit është buxheti i caktuar për Fondin e Klimës dhe Transformimit (KTF) që nevojitet për të paguar subvencionimin për zëvendësimin e sistemeve të ngrohjes nga viti 2024.
Një mosmarrëveshje e re midis FDP dhe të Gjelbërve shkaktoi edhe debati për zvogëlimin e fondit për prindërit Paratë e prindërimit, në gjermanisht Elterngeld, u jepen prindërve për 14 muajt e para pas lindjes së fëmijës. Paus është e treguar e gatshme ta reduktojë paksa rrethin e përfituesve duke e hequr përfitimin për ata prindër, të ardhurat e të cilëve në çift janë mbi 150 mijë euro në vit. Buxheti i Ministrisë për Çështjet e Familjes për vitin 2024 siguron pothuajse tetë miliardë euro për pagesën prindërore, pra 290 milionë euro më pak se në vitin 2023.
Ndryshimet e planifikuara dhe masa të tjera shtrënguese janë pjesë e një projekt-ligji për financimin e buxhetit që qeveria ka në plan të nisë deri në mes të gushtit. Prandaj llogaritet me ndryshime të tjera në draftin e buxhetit të prezantuar nga ministri i financave. Bundestagu ka kohë deri më 1 dhjetor ta miratojë buxhetin. Deri atëherë duhet të priten ndryshime të shumta në projekt-buxhet, të cilat do të marrin parasysh edhe përllogaritjen e re të taksave që pritet në vjeshtë dhe një rregullim të pritshmërive ekonomike.
Ekonomistët e lartë kanë një pikëpamje kritike për projektin
Shumë ekonomistë të rëndësishëm në vend janë kritikë ndaj projekt-buxhetit të qeverisë gjermane. Kreu i Institutit Gjerman për Kërkime Ekonomike (DIW), Marcel Fratzscher tha në Bayerischer Rundfunk për një “shans të humbur”. Ai tha se ministri federal i Financave Christian Lindner (FDP) kishte provuar të pamundurën për të mbajtur frenimin e borxhit duke rritur investimet, por pa rritur tatimet.
Veronika Grimm, një tjetër eksperte për buxhetin shtetëror, kritikoi shpenzimet e pamjaftueshme për mbrojtjen, energjitë miqësore ndaj klimës dhe mbi të gjitha arsimin.
“Veçanërisht pas pandemisë së Koronës dhe duke pasur parasysh mungesën e punëtorëve të kualifikuar që sa vjen e rritet në Gjermani, në këto fusha nuk po bëhet sa duhet”, i Grimm gazetës Augsburger Allgemeine.
Ajo u shpreh për heqjen e subvencioneve të drejtpërdrejta për qymyrin, naftën dhe gazin në favor të investimeve në energjitë e gjelbra. Kreu i Qendrës për Financa Publike në Institutin IFO me qendër në Mynih, Niklas Potrafke, përmendi gjithashtu fushat e infrastrukturës, arsimit dhe mbrojtjes për të cilat, sipas tij, paratë e planifikuara në buxhet nuk mjaftojnë. Në vend të tyre është rritur sërish buxheti i planifikuar për pensionet, i cili në total është 112 miliardë euro.
“Ne duhet të prioritizojmë shpenzimet për të mirat publike nga të cilat përfitojnë të gjithë qytetarët”, tha ai.
Kreu i ekspertëve ekonomikë Monika Schnitzer kritikoi shkurtimet në investimet që nxisin rritjen ekonomike, të tilla si fondet për dixhitalizimin.
“Po kursehet në anën e gabuar”, i tha ajo gazetës Rheinische Post.
Problemi qëndron te fokusimi në frenimin e borxhit.
“Kjo është arsyeja pse shpenzimet kapitale neglizhohen rregullisht. Një reformë që do të lejonte financimin e borxhit të investimeve neto mund ta ndreqte këtë”, shtoi Schnitzer.
Ajo konsideron se borxhi i planifikuar prej 16.6 miliardë eurosh është i pranueshëm. Borxhi kombëtar i vitit të kaluar prej më pak se 30 mijë euro për banor dukej i menaxhueshëm, i tha ajo Bayerischer Rundfunk. Vende të tjera të zonës euro, si Italia, Franca dhe Greqia, kanë raporte shumë më të larta borxhi ndaj të ardhurave për frymë. /Deutsche Welle/
Promo
Reklamo këtuLufta Prigozhin - Putin
Më shumëNga Rubrika
“PASAPORTA MEET & GREET” me 18 janar ekskluzivisht në CINESTAR MEGAPLEX në Prishtina Mall
Një përkushtim i ri – Konsullata e Kosovës në Cyrih, shërbime cilësore konsullore, urë lidhëse e mergatës në Zvicër
Parku i erës në Bajgorë, projekti më i madh i energjisë së ripërtërishme në Kosovë
Një përkushtim i ri - Konsullata e Kosovës në Cyrih, shërbime cilësore konsullore, urë lidhëse e mergatës në Zvicër
Si të eleminoni fryerjen e barkut me këtë produkt?
Fondi i Kursimeve Pensionale: 247.2 milionë euro kthimi bruto për 2024
Zbritje deri në 70% në Central Park – Mos e humbisni!
Si po transformon Tiani Residence standardet e banimit në qytetin historik
Parku i erës në Bajgorë, projekti më i madh i energjisë së ripërtërishme në Kosovë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Rrëfimi tronditës i Bernardit, tregon se si fëmijë u dhunua nga një burrë: Pasi bëra grua e fëmijë, kuptova se isha homosekual
Familja e G Banit dërgojnë letër në BBVA, dhe dalin kundër veprimeve të djalit të tyre: I kërkojmë falje familjarëve të Gjestit
SHBA i jep dritën e gjelbër FSK-së për blerjen e helikopterëve
Publikohen pamjet e protestës për Gjestin para Top Channel, të pranishëm edhe Policia e Shtetit
Amber çohet dhe kërkon të largohet në mes të spektaklit nga BBVA: Nëse Gjesti është shembulli, unë po iki që tani
U vlerësuan si "plehra", por tani janë të pazëvendësueshëm për ukrainasit: Transportuesi legjendar i luftës në Vietnam, në një zenit të ri