Bisedë telefonike Osmani- Gerapetritis: Do të vazhdojë partneriteti strategjik në mes RMV-së dhe Greqisë
Ministri i Punëve të Jashtme, Bujar Osmani, ka zhvilluar bisedë telefonike me Ministrin e sapoemëruar të Punëve të Jashtme të Greqisë, Jorgos Gerapetritis.
Duke e uruar për emërimin në detyrën e re, Osmani shprehu bindjen se partneriteti strategjik dhe bashkëpunimi i frytshëm me Greqinë, i bazuar në miqësi, besim të ndërsjellë dhe mirëkuptim, do të vazhdojë edhe gjatë mandatit të tij.
Në fokus të bisedës ishte bashkëpunimi dypalësh, gjatë të cilit u rikonfirmuan angazhimet e përbashkëta për nxitjen e bashkëpunimit të ngushtë dhe ruajtjen e dinamikës pozitive në marrëdhëniet dhe shkëmbimin e përgjithshëm.
“I jemi mirënjohës Greqisë për mbështetjen parimore në procesin e anëtarësimit të vendit tonë në Bashkimin Evropian”, theksoi Osmani, duke shprehur bindjen se mbështetja nuk do të mungojë në periudhën e ardhshme, deri në përfundimin e plotë dhe të suksesshëm të procesit të integrimit evropian.
Ministrat diskutuan edhe për temat më aktuale rajonale dhe ndërkombëtare, si dhe për bashkëpunimin në kuadër të OSBE-së dhe Procesit për Bashkëpunim në Evropën Juglindore, të kryesuar nga Maqedonia e Veriut.
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251