Gjykata e Berlinit ka hedhur poshtë padinë ndaj ambasadorit gjerman në Kosovë, Jorn Rohde, i cili akuzohet nga pasardhës i Xhafer Devës, Valdet Deva për shpifje të rëndë ndaj figurës së Xhafer Devës.
Lajmin e bëri të ditur përmes një statusi në rrjetin social në Facebook, Valdet Deva.
Sipas tij, edhe pse paraqiti prova për rastin fjalë, Deva thotë se ato nuk u paskan mjaftuar gjykatës.
“Të nderuar miq, dje pranova vendimin e Gjykatës së Berlinit rreth padisë ndaj ambasadorit gjerman Jorn Rohde, për shpifje të rëndë ndaj figurës së Xhafer Devës.
Sipas vendimit të kësaj Gjykate, padia hidhet poshtë, në bazë të asaj se pala paditëse nuk ka përmbushur kushtin për tentim pajtimi/marrëveshje midis palëve.
Unë me rastin e paraqitjes së dëshmive pranë kësaj Gjykate, kam parashtruar dëshmitë me shkrim, ndër të tjera të gjitha letrat e dërguara në adresën e ambasadorit Rohde, ku i kërkoj takim dhe i jap mundësinë për paraqitjen e provave ose kërkim falje për deklaratën e tij. Duket se kjo nuk paska mjaftuar për Gjykatën e Berlinit”, ka shkruar Deva.
Tutje ai ka thënë se nuk e ndjen veten të mundur në këtë rast, pasi siç u shpreh ai “I forti bën gjithçka”.
“Në anën tjeter, mbas paraqitjes së provave në lidhje me këtë padi pranë Gjykatës, asnjëherë nuk mu prezentua përgjigja nga pala tjetër, gjë që është e domosdoshme dhe normale në procedurën ligjore në rast padije private.
Siç thotë fjala e popullit ‘I forti bën gjithçka’.
Unë nuk e ndjej veten të mundur, përkundrazi kjo situatë vetëm sa më forcon dhe më jep kurajo të vazhdojë punën time në ndriçimin e figurës së Xhafer Devës, si dhe kthimin e pronave të familjes Deva që u konfiskuan nga pushtuesi Serbosllave dhe argatet e tyre shqipfolës.
I falenderoj të gjithë ata të cilët më përkrahën dhe vazhdojnë të më përkrahin në këtë rrugëtim”, ka shkruar ndër të tjera Deva. /Telegrafi/
Promo
Reklamo këtuLufta Prigozhin - Putin
Më shumëNga Rubrika
KSHZ: Rivotimi nga personat e sëmurë dhe të burgosurve u zhvillua pa probleme
Fushë Kosovë, arrestohen dy të dyshuar për trafikim me narkotikë dhe posedim armësh – njëri gëlltiti qesen me kokainë gjatë arrestimit
Tetova sivjet me 123 filloristë më pak, në klasë të parë pritet të regjistrohen 838 nxënës
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251