Biden thotë se nuk do të lehtësojë barrierat për anëtarësimin e Ukrainës në NATO

Kur presidenti amerikan Joe Biden u pyet nëse do të lehtësonte barrierat për anëtarësimin e Ukrainës në NATO, ai tha prerazi “jo”.

“Jo. Sepse ata duhet të përmbushin të njëjtat standarde. Kështu që unë nuk do ta bëj më të lehtë”, u tha ai gazetarëve të shtunën përpara nisjes së tij në Filadelfia për ngjarjen e tij të parë zyrtare të fushatës presidenciale, transmeton Telegrafi.

“Unë mendoj se ata kanë bërë gjithçka në lidhje me demonstrimin e aftësisë për t’u koordinuar ushtarakisht, por ekziston një çështje e tërë, a është sistemi i tyre i sigurt? A është jo i korruptuar? A i plotëson të gjitha standardet që i përmbushin të gjitha vendet në NATO? Mendoj se mundet, por nuk është automatike”, tha ai.

CNN raportoi më parë se Biden dhe ekipi i tij janë në mes të një bisede të lartë me anëtarët e NATO-s se si dhe kur mund të anëtarësohet Ukraina – një debat që mund të ekspozojë tensionet në aleancë përpara një samiti kyç muajin e ardhshëm në Vilnius të Lituanisë. /Telegrafi/