Liderët afrikanë në Rusi, Zelensky: Kërkojini Putinit t’i lirojë të burgosurit politikë

Volodymyr Zelensky i ka kërkuar një grup liderësh afrikanë që t’i kërkojnë Vladimir Putinit lirimin e të burgosurve politikë.

Presidentët e Zambisë, Senegalit, Komoros, Afrikës së Jugut dhe kryeministrit të Egjiptit, së bashku me zyrtarë të lartë nga Uganda dhe Kongo-Brazzaville, ishin dje në Kiev.

Ata pritet të udhëtojnë në Rusi për një takim me presidentin rus, raporton skynews.

Усі нації світу заслуговують на те, щоб жити вільно, без навʼязування чужої волі військовим чи політичним шляхом. Але ніхто не може вважати свої кордони захищеними та безпеку своїх людей гарантованою, поки Росія намагається зробити агресію та крадіжку чужих земель глобальною… pic.twitter.com/0gka17eZOa

— Volodymyr Zelenskyy / Володимир Зеленський (@ZelenskyyUa) June 16, 2023

Pas takimit me delegacionin, Zelensky përsëriti se bisedimet e paqes do të ishin të mundshme vetëm kur Rusia të tërhiqet nga zonat e pushtuara.

Presidenti i Afrikës së Jugut, Cyril Ramaphosa tha se liderët ishin “këtu për të ndarë perspektivën afrikane”, ndërsa ai kërkoi një de-përshkallëzimin nga të dyja palët dhe tha se sovraniteti i vendeve duhet të respektohet.

Lexo po ashtu Putin ndal rrjetin e celularëve në Shën Petersburg - zyrtarët ndërkombëtar pa qasje në telefona gjatë samitit ekonomik

Theksojmë se i njëjti delegacion do ta takojë gjatë ditës së sotme presidentin rus, Vladimir Putin në Moskë.

Misioni në Ukrainë, i pari i këtij lloji nga liderët afrikanë, vjen në vazhdën e nismave të tjera të paqes, si ajo e Kinës, dhe kishte një rëndësi shtesë për vendet afrikane, pasi ato mbështeten në shkallë të ndryshme në dërgesat e ushqimit dhe plehrave nga Rusia dhe Ukraina. /Telegrafi/