Inteligjenca ukrainase publikoi një audio-incizim: Kjo bisedë dëshmon se rusët hodhën në erë digën

Shërbimi i inteligjencës i Ukrainës (SBU) njoftoi sot se ka përgjuar një telefonatë që pretendon se dëshmon se forcat ruse hodhën në erë digën Nova Kahovka dhe hidrocentralin e lidhur në rajonin Kherson të Ukrainës jugore, duke shkaktuar përmbytje masive, ku mijëra banorë u detyruan të largohen dhe shkaktuan shkatërrim ekologjik.

Oficerët e inteligjencës ukrainase kanë publikuar sot në rrjetet sociale një audio të bisedës, e cila zgjat rreth një minutë e gjysmë. Në regjistrim, dy burra dëgjohen duke folur rusisht për pasojat e fatkeqësisë.

“Ata (ukrainasit) nuk e sulmuan atë. Ishte grupi ynë sabotues”, tha një burrë i përshkruar nga SBU si një ushtar rus. “Ata donin të trembnin (njerëzit) me atë digë. Nuk shkoi sipas planit dhe (ata bënë) më shumë nga sa kishin planifikuar”, njoftoi ai.

SBU nuk dha detaje të mëtejshme rreth bisedës apo pjesëmarrësve. Ata njoftuan se kishin hapur një hetim penal për krime lufte dhe “ekosistem”.

“Sulmuesit donin të shantazhonin Ukrainën duke hedhur në erë digën dhe organizuan një fatkeqësi të shkaktuar nga njeriu në jug të vendit tonë”, deklaroi SBU.

Agjencia e lajmeve Associated Press njoftoi dje se kishte ekzaminuar tërësisht pamjet e mbetjeve të digës pas shkatërrimit të saj dhe arriti në përfundimin se nuk kishte gjurmë granatimesh. /Telegrafi/

Перехоплення СБУ підтверджує, що Каховську ГЕС підірвала диверсійна група окупантів

➡️ https://t.co/Lt5hyTyUzB pic.twitter.com/4ILtT5lFk3

— СБ України (@ServiceSsu) June 9, 2023