Zbulohet bunkeri sekret i Putinit – ai ka kushtuar mbi një miliard euro

Planet e projektuesve që kanë rrjedhur në publik kanë zbuluar një bunker të fshehur thellë nën rezidencën e presidentit rus, Vladimir Putin me vlerë më shumë se një miliard euro me pamje nga Deti i Zi.

I vendosur në brigjet e Detit të Zi, Pallati Gelendzhik ka një kishë, kazino, palestër, shesh patinazhi për hokej mbi akull dhe “dhomë festash” – të kompletuar me bare.

Kompleksi është i ndarë nga pjesa tjetër e Rusisë me 17 mijë hektarë pyje të ruajtur nga shërbimet e sigurisë FSB-së, si dhe zona të veçanta të ndalimit të fluturimeve dhe të anijeve.

“Kur u mendua se projektuesit kishin larguar të gjitha dëshmitë, duket se ata kanë lënë pas dore një pjesë të madhe – planet e fshehura që tregojnë tunelet sekrete. Skemat u publikuan në internet dhjetë vjet më parë dhe mbetën të disponueshme deri në vitin 2016, pasi u publikuan fillimisht nga artistët e Metro Style për të shfaqur punën e tyre”, tha metro.co.uk.

Ato zbulojnë një kompleks nëntokësor të përbërë nga dy tunele të veçantë të lidhur me një ashensor që zbret afërsisht 50 metra nën sipërfaqe.

Inxhinieri i ndërtimit, Thaddeus Gabryszewski tha se ata kanë të gjitha llojet e sigurisë, duke sugjeruar se ato janë të destinuara që dikush të mbijetojë ose të shpëtojë.

“Prandaj, duke e ditur se legjitimiteti i tij nuk sigurohet plotësisht nga zgjedhjet, ai do të kërkojë të maksimizojë sigurinë personale përmes një kompleksi rezidencash të mbrojtura mirë”, tha Michael C Kimmage, ish-zyrtar i Departamentit të Shtetit të SHBA-së dhe ekspert i Luftës së Ftohtë.

Planet, të zbuluara nga Fondacioni Kundër Korrupsionit i liderit të opozitës ruse të burgosur, Alexei Navalny, tregojnë se tunelet janë afërsisht 40 dhe 60 metra të gjatë dhe gjashtë metra të gjerë, duke krijuar më shumë se 6,000 metra katror hapësirë ​​të mundshme jetese.

Kalimi i dytë besohet të jetë mjeti i preferuar i arratisjes, duke dërguar në një hapje në breg të dukshme në pamjet e dronit.

Kimmage i tha Insiderit se vendndodhja e bunkerit është rreth 1000 kilometra larg Moskës, duke sugjeruar se lideri rus nuk po planifikon vetëm të ndërtojë një vendstrehim luksoz.

“Dy herët kur pati një tranzicion të madh në historinë ruse, në vitin 1917 dhe 1991, statusi i kryeqytetit dhe pozicioni i liderit ishte një problem i madh. Putini e zgjidh këtë rast duke krijuar një rrjet rezidencash larg qendrës së kryeqytetit. Prandaj, sistemi i tunelit brenda kompleksit të Detit të Zi ka shumë kuptim. Edhe pa një kërcënim aktiv, ata do të shqetësohen për këtë mundësi”, përfundoi Kimmag. /Telegrafi/