Pioli ndihet i zhgënjyer me eliminimin nga Interi, por e cilëson një udhëtim të mrekullueshëm arritjen në gjysmëfinale
Stefano Pioli ka thënë se ndihet i zhgënjyer pas katër humbjeve radhazi nga Interi këtë vit dhe sidomos me këtë të fundit që nuk arriti në finalen e Ligës së Kampionëve.
Ishte një mal për t’u ngjitur pas humbjes 2-0 brenda 11 minutave nga ndeshja e parë, por edhe rikthimi i Rafael Leaos nga lëndimi nuk i përmirësoi gjërat.
Portugezi pati rastin më të mirë me një goditje që kaloi buzë shtyllës në pjesën e parë, por Mike Maignan iu desh të bënte disa pritje të mëdha për të shpëtuar.
Lautaro Martinez vulosi finalistin me një përfundim të zgjuar pas asistimit të Romelu Lukakut dhe ky eliminim nga zhgënjyer trajnerin Pioli.
“Ka një zhgënjim të madh. Ishte një udhëtim i mrekullueshëm dhe askush nga një skuadër që u eliminua në fazën e grupeve sezonin e kaluar nuk mund të arrinte në gjysmëfinale duke mposhtur skuadrat si Tottenham dhe Napoli, por ne gjithsesi donim të arrinim në finale”, ka thënë fillimisht Pioli për Sport Mediaset.
“Ka edhe zhgënjim sepse fatkeqësisht e prishëm gjysmëfinalen me 15 minutat e para të ndeshjes së parë. Për pjesën tjetër, ne u përballëm me një ekip shumë të fortë dhe në masë të madhe ishim në lartësinë e detyrës. Kishim disa shanse për të thyer bllokimin këtë mbrëmje dhe kjo mund të kishte ndihmuar, por ndoshta jo mjaftueshëm”.
“Nuk mund t’i qortoj lojtarët e mi për asgjë, pasi ata dhanë gjithçka, u përpoqëm me stilin tonë të futbollit dhe gjithë energjinë që na kishte mbetur. Tani duhet ta mbyllim sezonin me një nivel të lartë, sepse do të ishte për të ardhur keq që të mos e bëjmë këtë”.
We’ll come back, stronger. Always Milan.#UCL #InterMilan #SempreMilan #RednBlack pic.twitter.com/E1Kpe6YNmA
— AC Milan (@acmilan) May 16, 2023
Ky ishte Derby della Madonnina i katërt radhazi që Milani humbi në vitin 2023, mes Serie A, Superkupës së Italisë dhe Ligës së Kampionëve, të gjitha pa shënuar gol. Kjo është ecuria më e keqe në histori për kuqezinjtë, duke dështuar të gjejnë rrjetën në katër përballje.
“Nëse filloni një gjysmëfinale dhe humbisni 2-0 pas 12 minutash, kjo do të bëjë një ndryshim të madh. Është e vërtetë që rezultati përfundimtar ndikon në gjykimin e një paraqitjeje, por mendova se sonte ishte shumë më afër pjesës së dytë të ndeshjes së parë, ishte kryesisht shumë e barabartë dhe ne thjesht nuk shfrytëzuam shanset tona. Ky ishte kufizimi ynë në këto dy ndeshje”.
“Nuk ishim aq të rrezikshëm në fillim sa jemi zakonisht, gjë që është për shkak të qëndrueshmërisë mbrojtëse të Interit, por edhe se nuk e ngritëm ritmin dhe nuk ishim mjaft të saktë në pasimet tona. Në këtë nivel, ju duhet të ngrini shiritin dhe ne provuam gjithçka, por nuk ishim mjaftueshëm të mprehtë. Interi pritej të shënonte kundër nesh në mundësinë e parë, ndërsa ne nuk bëmë të njëjtën gjë”.
Pioli nuk bëri asnjë zëvendësim derisa Interi kaloi në avantazh këtë mbrëmje në minutën e 74- të .
“Isha duke përgatitur ndryshimet kur ata shënuan. Skuadra po e kontrollonte mirë topin dhe ne arritëm disa herë në afërsi të zonës së tyre, por na mungonte saktësia dhe cilësia për t’i bërë ato situata të vlefshme. Më pas, ndërsa po përgatitnim zëvendësimet, goli erdhi dhe përfundoi atje”, përfundoi italiani.
Tani shpresa e tyre e vetme për të shpëtuar një sezon zhgënjyes është të sigurojnë një vend në katërshe dhe të kualifikohen në Ligën e Kampionëve sezonin e ardhshëm, një rënie e vërtetë pas fitimit të Scudettos sezonin e kaluar. /Telegrafi/
Promo
Reklamo këtuLufta Prigozhin - Putin
Më shumëPamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Real Madridi ka filluar të punojë në transferimin e Wirtz - por ka një pengesë
Wayne Rooney zbulon skandalin e lojtarëve të Man United - nëse vërtetohet do ketë pasoja
Ish-ylli i Liverpoolit zbulon trajnerin e ardhshëm të Man United – thotë se ia tregoi një lojtar aktual i tyre
Spikeri thirri emrin e Mbappes në stadium, tifozët e PSG-së me veprim që pak kush e ka pritur
Mediat spanjolle e konfirmojnë, ideja për të futur Joselun në lojë kundër Bayernit nuk ishte e Ancelottit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Wayne Rooney zbulon skandalin e lojtarëve të Man United - nëse vërtetohet do ketë pasoja
Ish-ylli i Liverpoolit zbulon trajnerin e ardhshëm të Man United – thotë se ia tregoi një lojtar aktual i tyre
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron