Forcat Ajrore të Ukrainës thonë se kanë rrëzuar 18 dronë rusë

Gjatë mbrëmjes së kaluar ushtria ukrainase ka shkatërruar 18 nga 24 dronët rusë që synonin objekte të ndryshme në Ukrainë.

Armiku përsëri sulmoi me Shaheds nga veriu (rajoni i Bryansk) dhe nga jugu – bregun lindor të Detit Azov, thuhet në një deklaratë të forcave të armatosura të Ukrainës.

“Kësaj radhe, Forcat Ajrore, në bashkëpunim me mbrojtjen ajrore e komponentëve të tjerë të Forcave të Mbrojtjes të Ukrainës, shkatërroi 18 UAV-të sulmuese”, njoftojnë autoritetet ukrainase.

Lexo po ashtu Ukraina mohon pretendimet e Kremlinit: Nuk jemi përpjekur ta vrasim Putinin

Këshilltar i Ministrit të Punëve të Brendshme të Ukrainës, Anton Gerashchenko, ka dhënë detaje shtesë rreth sulmeve të fundit të rusëve.

“Mbrojtja ajrore rrëzoi të gjithë dronët e synuar në Kiev dhe 12 nga 15 dronët e synuar në Odesa. Tre prej tyre goditën një konvikt universiteti në Odesa. Fatmirësisht nuk ka pasur të lënduar”, pohoi ai.

Ndryshe, nuk pati viktima civile apo dëmtime në ndërtesa banimi. /Telegrafi/

Russia attacked Kyiv and Ukraine with drones last night – the fourth massive attack on Ukrainian cities in the past week.

Air defense shot down all drones targeted at Kyiv and 12 out of 15 drones targeted at Odesa. Three of them hit a university dorm in Odesa. Thankfully, no one… pic.twitter.com/dzPwnjXFL8

— Anton Gerashchenko (@Gerashchenko_en) May 4, 2023