Selmanaj: Jemi të bindur që Krasniqi nuk ka qenë i vetëm në këto aktivitete shumë milionëshe dhe të paligjshme
Driton Selmanaj nga Lidhja Demokratike e Kosovës (LDK) ka folur për dyshimet për korrupsion brenda Korporatës Energjetike të Kosovës (KEK) si dhe për arrestimin e kryeshefit të KEK-ut, Nagip Krasniqi.
Selmanaj gjatë seancës së jashtëzakonshme në Kuvend të Kosovës ka kërkuar që bordi i KEK-ut duhet urgjentisht të shkarkohet.
Ai po ashtu tha se e respektojnë në tërësi parimin universal të institutit të prezumimit të pafajësisë në procese gjyqësore si dhe siç tha deputeti i LDK-së nuk do të deklarohen rreth çështjeve konkrete që janë objekt trajtimi në proceset që zhvillohet në institucionet e drejtësisë.
Sipas tij, arsyeja se pse LDK është bërë pjesë e thirrjes së kësaj seance të jashtëzakonshme ka të bëjë me logjikën kleptokratike abuzuese dhe korruptive që Qeveria Kurti ka karshi ndërmarrjeve publike dhe në rastin konkret ndaj KEK-ut.
“LDK vlerëson se të gjithë ne duhet të mbështesim çdo aksion të Policisë së Kosovës dhe organeve ndjekëse që kanë për qëllim të luftojnë rastet korruptive dhe aktivitetet kriminale kudo që ato ndodhen”, ka thënë Selmanaj.
Ai po ashtu tha se qasja e Qeverisë Kurti për kapjen e KEK-ut me anë të aktivistëve të LVV-së ka qenë e papranueshme.
“Sa i përket KEK-ut, qasja e qeverisë Kurti ka qenë e papranueshme që nga kapja e kësaj korporata nga aktivistët e LVV-së, fillimisht me vendosjen e Nagip Krasniqit në pozitën e kryeshefit e KEK-ut, pastaj me zgjedhjen e bordit të kësaj ndërmarrje. LDK në vazhdimësi ka ngritur shqetësimet e saj për zhvillimet në këtë korporatë që nga mënyra se si kjo qeveri, KEK dhe institucionet tjera kanë menaxhuar krizën energjetike për periudhën 2021-22, shtrenjtimin e lartë të faturave të energjisë, mënyrën e subvencionimit…edhe në Komisionin Hetimor kemi kërkuar hetim penal ndaj Nagip Krasniqit edhe për raste të tjera”, ka thënë Selmanaj.
Ai po ashtu tha se duhet të hetohen të gjitha kontratat e negociushme në proceset e prokurimit që kanë ndodhur gjatë menaxhimit të KEK-ut nga Qeveria Kurti dhe vartësit e saj.
“Presim që ky hetim penal të mos të ndalet derisa të zbardhet e vërteta deri në detajin e fundit përfshirë dhe ambasadorin Martin Berishaj, ministrit se Zhvillimit Ekonomik dhe kryeministrit Kurti. Jemi të bindur që Krasniqi nuk ka qenë i vetëm në këto aktivitete shumë milionëshe dhe të paligjshme. Duhet të konfirmohet nëse ka pasur takime mes Berishaj dhe Krasniqit në Zagreb. Krasniqi e ka mohuar kategorikisht këtë takim, dhe dua ta citoj se çfarë na ka thënë në komisionin hetimor ‘Martin Berishaj kurrë në jetë se kam takuar’, e menjëherë pas pesë sekondave thotë ‘përveç njëherë para dy tri viteve dhe aq më pak në Zagreb’ “, ka thënë Selmanaj. /Telegrafi/
Promo
Reklamo këtuLufta Prigozhin - Putin
Më shumëBesim Ramadani, personazh inspirues dhe shembull që duhet ndjekur
Telegrafi Jobs - Shoku yt për punë
Investimet nga diaspora, Lazim Destani: Duhet të punojmë bashkë që të arrijmë suksese
Shkenca e të Dhënave - Kombinim i Statistikës, Programimit dhe Biznesit
Rrjeti Global i Bizneseve të Diasporës, 10 vite suksese dhe bashkëpunime
Matematikë e thjeshtë, Nissan X-Trail i ri “00” - Auto Mita
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë