Byroja Federale e Hetimeve (FBI) ka lëshuar një deklaratë rreth arrestimit dhe dërgimit në paraburgim të 21-vjeçarit, Jack Douglas Teixeira, i cili dyshohet se është përfshirë në rrjedhjen e dokumenteve të klasifikuara të qeverisë amerikane.
“Që nga fundi i javës së kaluar, FBI-ja ka ndjekur në mënyrë agresive pistat hetimore dhe arrestimi i sotëm ilustron angazhimin tonë të vazhdueshëm për identifikimin, ndjekjen dhe mbajtjen përgjegjës të atyre që tradhtojnë besimin e vendit tonë dhe vënë në rrezik sigurinë tonë kombëtare”, shtohet në deklaratë.
Jack Teixeira, anëtar i Gardës Kombëtare Ajrore të Massachusetts, është arrestuar nën dyshimin se ka zbuluar dokumente të klasifikuara.
Megjithatë, ende nuk dihet zyrtarisht se për çfarë akuzohet ai, raporton bbc.
Pak më parë, Prokurori i Përgjithshëm, Merrick Garland ndau një deklaratë të shkurtër duke thënë vetëm se Teixeira u arrestua në lidhje me pretendimin se “marrjen dhe publikimin e paautorizuar” të informacionit të klasifikuar të mbrojtjes.
Në konferencën e mëparshme të Pentagonit, gjenerali Pat Ryder tha se rrjedhja ishte një “veprim i qëllimshëm kriminal” dhe shkelje e protokolleve që rregullojnë trajtimin e materialeve të klasifikuara.
Ndryshe, Washington Post raporton se burri ndau informacione shumë të ndjeshme – që zbulojnë dobësitë në mbrojtjen e Ukrainës, si dhe numrin e forcave speciale të Mbretërisë së Bashkuar që dyshohet se janë aktive në këtë vend – me një grup prej rreth dy duzina burrash dhe djemsh në platformën online Discord.
Anëtarët e grupit thuhet se i thanë WP se të gjithë kishin një “dashuri reciproke për armët, pajisjet ushtarake dhe Zotin”.
Rrjedhjet kanë përfshirë informacione mbi dobësitë e mundshme në mbrojtjen e Ukrainës, si dhe numrin e forcave speciale të Mbretërisë së Bashkuar që dyshohet se janë aktive në vend. /Telegrafi/
Video here appearing to show Teixeira being taken into custody by the FBI: pic.twitter.com/0yq6hgimnD
— Natasha Bertrand (@NatashaBertrand) April 13, 2023
Promo
Reklamo këtuLufta Prigozhin - Putin
Më shumëNga Rubrika
Filmohet një krijesë e frikshme në një thellësi prej 1000 metrash në Oqeanin Paqësor
Ratko Mlladiq kërkoi të lirohet me kusht – siç pritej, refuzohet kërkesa e kriminelit të luftës
Pas kërkesës për urdhërarrest për Netanyahun, Biden thotë se veprimi i Izraelit në Gaza nuk është gjenocid
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251