‘Kërcet grushti’ te Bayern Munich – Sadio Mane ka goditur Leroy Sanen në dhomat e zhveshjes pas humbjes nga Man City

Sadio Mane dhe Leroy Sane ishin parë duke u grindur në fushë gjatë humbjes 3-0 ndaj Manchester Cityt në ndeshjen e parë të çerekfinales së Ligës së Kampionëve.

Kjo gjë u përshkallëzua prej andej ku u përdorën edhe grushtet në dhomat e zhveshjes, shkruan BILD.

Lojtarët e tjerë të Bayern Munich thuhet se i kanë ndarë Manen dhe Sanen pas përleshjes fizike, e cila erdhi nga zhgënjimi i senegalezit për mënyrën se si gjermani i kishte folur gjatë lojës.

Bayern Munich ende nuk ka komentuar asgjë mbi incidentin e raportuar.

Shkaku i mosmarrëveshjes thuhet se ishte skena në minutën e 83-të kur Sane iu ankua Manes për një tentativë vrapimi pas mbrojtjes. Sane donte që lojtari senegalez t’i dilte shkurt dhe me zemërim iu drejtua.

Lexo po ashtu Cancelo mund të jetë i zemëruar me Guardiolan, por ai bëri një lëvizje që tregoi respekt të madh për Manchester Cityn

Ky aktuali është një sezon jashtëzakonisht dramatik për Bayern Munich. Ata shkarkuan Julian Nagelsmannin mes raporteve për pakënaqësi në dhomën e zhveshjes, duke e zëvendësuar atë me Thomas Tuchelin.

🚨 BREAKING 🚨

Sadio Mane punched Bayern teammate Leroy Sane in the face after their defeat at Manchester City

Sky Germany are reporting that Sane’s lip was bleeding after the altercation and the two players needed to be separated by their fellow teammates in the dressing room pic.twitter.com/gUbKdeE5S7

— Football Daily (@footballdaily) April 12, 2023

Sadio Mane tani mund të përballet me dënim nga klubi për veprimet e tij, ndërsa Sane thuhet se ka një shenjë në fytyrën e tij nga goditja. /Telegrafi/