Kryeministri i vendit, Albin Kurti ka treguar folur për ofertën që thotë se ia ka bërë presidentit serb, Aleksandar Vuçiq për vetë-menaxhim të serbëve të Kosovës në takimin e Ohrit.
Kreu i ekzekutivit tha se gjatë bisedimeve, i ka bërë ofertë palës serbe që nëse të njëjtit pranojnë tri shtylla bazike, Kurti është shprehur i gatshëm që të shkruaj draftin për vetë-menaxhimin.
“Për ketë formulimin e vetë-menaxhimit të komunitetit serb, dhe në anën tjetër këto marrëveshjet e trashëguara, e që kanë pësuar rrëzim nga institucionet tona e janë shkelur nga Serbia, unë kam bërë një ofertë konkrete, duke i thënë se nëse pala serbe është dakord që të pranoj tri shtylla bazike; Kushtetutën e Kosovës, aktgjykimin e Gjykatës Kushtetuese dhe një qëndrim të Brukselit dhe Uashingtonit se çka është dhe nuk është asociacioni, unë jam i gatshëm të shkruaj draftin”- tha Kurti.
Kurti u shpreh se nuk ka pasur dakordim që të përfillen shtyllat e përmendura teksa shtoi se kishte “refuzim shumë të ashpër të ofertës”.
“Nuk ka pasur dakordim që të përfillen këto shtylla, me këto tre shtylla i kam thënë ua sjellë statutin si draft nesër në mëngjes. Këtë ua kam thënë në takimin trelateral mirëpo është refuzuar dhe u tha që nuk paskemi çfarë të diskutojmë me tutje, po humbim kohë, pra ishte një refuzim shumë i ashpër i ofertës. Një ofertë shumë gjeneroze që nëse pranohej si premisë, unë do të merrja barrën që të nesërmen në mëngjes kemi mundur të vazhdojmë bisedimet. Njëherë pajtohesh në parim dhe më pas e sjell përmbajtjen nuk mund të sjellësh përmbajtje kur ti refuzon parimet” – theksoi kryeministri në RTK.
“Gjatë bisedimeve që i kemi pasur në Ohër, unë jam interesuar që qytetarët që më kanë kryeministër të jenë te kënaqur, nuk kam interesa për serbë të pakënaqur dhe nëse ata kanë nevoja. kërkesa për ti adresuar, lirisht të vinë”- ka thënë mes tjerash ai.
Kurti, dje në një postim në Twitter u shpreh se presidenti i Serbisë, Aleksandar Vuçiq, e ka refuzuar ofertën e tij për vetë-menaxhim të serbëve të Kosovës.
Kurti ka thënë se Vuçiqi pasi refuzoi të nënshkruante Marrëveshjen bazë më 27 shkurt dhe aneksin e implementimit më 18 mars, ai refuzoi edhe këtë propozim të ofruar nga Kurti.
“A është ai Dr. Jo apo Z. Jo?”- ka pyetur Kurti.
Më 18 mars nën ndërmjetësimin e Bashkimit Evropian, Kosova dhe Serbia kanë arritur dakordim për zbatimin e planit të Bashkimit Evropian për normalizimin e raporteve Kosovë-Serbi i njohur si plani franko-gjerman.
Ky plan nuk është nënshkruar si marrëveshje nga palët, për çka kryeministri Albin Kurti ka thënë se pala serbe nuk ka qenë e gatshme.
Një ditë më vonë, Presidenti i Serbisë, Aleksandar Vuçiq, ka thënë se nuk e ka nënshkruar aneksin për zbatimin e Marrëveshjes për normalizim të marrëdhënieve me Kosovën, “sepse Serbia është shtet i njohur ndërkombëtarisht, ndërsa Kosova nuk është” prandaj, sipas tij, nuk mund të arrihet një marrëveshje juridike ndërkombëtare.
Lufta Prigozhin - Putin
Më shumëPlagosja e katër personave, deklaratat e Policisë e Prokurorisë – gjithçka nga rasti në Lupç të Podujevës
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Të shtëna me armë në Lupç të Podujevës, katër të plagosur
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit