Para nisjes së El Clasicos: Florentino Perez befason të gjithë me vendimin që ka marrë

Për herë të parë në 20 vjet, presidenti i Real Madridit, Florentino Perez nuk do të marrë pjesë në El Clasico që luhet në Camp Nou. As histeria rreth transferimit të Luis Figos nga Barcelona te Los Blancos, as pandemia COVID-19 nuk bëri që ai të humbiste një përplasje mes dy skuadrave në Kataluni.

Por, burime pranë Barçës kanë treguar për AS se kanë marrë konfirmimin se Perez nuk do të jetë në ndeshjen e sotme.

Ishte përfolur prej disa ditësh se kreu i Realit mund të vendosë të mos bëjë udhëtimin dhe, pas shqyrtimit të kujdesshëm, vendimi i tij përfundimtar duket se është marrë: Perez nuk u nis në fluturim me përfaqësuesit e tjerë të klubit. Real Madridi ka lënë derën e hapur që presidenti i tyre të ndryshojë mendje dhe të udhëtojë për në Barcelonë me një aeroplan privat këtë pasdite, edhe pse kjo duket të jetë e pamundur.

Klubi kryeqytetas është përpjekur të qëndrojë sa më jashtë debatit rreth ‘skandalit Negreira’, por me ecurinë e çështjes ligjore janë detyruar të mbajnë qëndrim. Fundjavën e kaluar, pas gati një muaji heshtje, Real Madridi njoftoi se do të merrte pjesë në këtë rast, siç është e drejta e tyre sipas ligjit spanjoll.

Ditë më vonë, dhe me sa duket si rezultat, presidenti i Barcelonës, Joan Laporta konfirmoi se anëtarët e bordit të dy klubeve nuk do të drekonin së bashku, gjë që është bërë normë. Dhe tani, Perez po qëndron në shtëpi. Tri vendime që secili klub i ka marrë vetë dhe duket se sinjalizojnë një prishje në marrëdhëniet e tyre.

Burimet e Barcelonës pohojnë se katalanasit janë “indiferentë” ndaj këtij lajmi të fundit, duke theksuar se loja është ajo që ka rëndësi, jo ajo që ndodh në zyrat e hierarkisë.

Megjithatë, duke marrë parasysh klubet e përfshira, është një punë e madhe: për herë të parë në 20 vjet, Perez nuk do të jetë në El Casico në Camp Nou. /Telegrafi/