Zbulohet identiteti i ushtarëve rusë që vranë tre vullnetarët ukrainas, që po dërgonin ushqim për kafshë – njëri prej tyre u shpall “hero i Rusisë”

Hetuesit ukrainas pretendojnë se kanë arritur të zbulojnë identitetin e ushtarëve të Vladimir Putinit që vranë tre vullnetarë ukrainas, derisa po kujdeseshin për strehimoren e qenve në Kiev, e njëri prej vrasëse tashmë është “shpallur hero në Rusi”.

Hetuesit janë fokusuar në Nastia Yalanska, 26-vjeç, Maksym Kuzmenko, 28 dhe Serhii Ustymenko, 25, tre miq që u vranë nga ushtarët rusë më 4 mars të vitit të kaluar, derisa po dërgonin ushqim për kafshët në një strehimore në qytezën ukrainas Zabuchchia, transmeton Telegrafi.

Nastia, Serhii dhe Maksym po bëheshin gati të largohen nga fshati Hatne në afërsi të Kievit, për të dërguar ushqim kafshëve në një strehimore.

E ëma e Nastia, Yullia kishte pranuar një video të miqve të saj derisa e përshëndesnin kur largohej, dhe dëgjohej dikush duke thënë se “po shkojnë atje ku po bombardohet”.

Sapo kishin filluar të shtënat e para nëpër rrugë, banorët lokalë kishin vrapuar për t’u fshehur.

Volodymyr Asaulov, 64-vjeç, që po kujdesej për nipërit me gruan në shtëpinë e tyre në Bucha, kishte parë një veturë të përfshirë nga zjarri para shtëpisë së tyre dhe kishte vrapuar për të ndihmuar, me idenë se mund të ketë njerëz brenda.

Derisa fotografonte veturën duke u djegur, ishte qëlluar me armë në kokë dhe kishte mbetur i vdekur në vend.

“Ata nuk ia drejtuan armën në këmbë apo kraharor. E qëlluan në kokë sepse dëshironin ta vrisnin”, tha gruaja e tij.

E derisa Volodymyr kishte shkrepur fotografinë e fundit para se të qëllohej për vdekje, Nastia, Serhii dhe Maksym po lëviznin drejt Buchas. Ata deshën të vizitojnë prindërit e Serhii që jetojnë në rrugën Kyievo Myrotska.

Nuk e dinin se para syve do t’i kenë rusët, që disa minuta më herët kishin vrarë Volodymyrin. Megjithatë trupat e tyre janë gjetur në shtëpinë e prindërve të Serhii.

Maksym kishte mbetur i vdekur në vend pasi ishte qëlluar në kokë derisa ishte ulur në pjesën e pasme të veturës, e Nastia pavarësisht se kishte arritur të dalë nga vetura, ishte qëlluar për vdekje. Të njëjtin fat e pat edhe Serhii që u qëlluar nga ushtarët rusë.

E ushtarët rusë që qëlluan vullnetarët kanë marrë medalje për pjesëmarrjen në luftë. Madje njëri prej tyre u shpall hero i Federatës Ruse.

Rreshteri Yevgenii Darmograi, Georgii Burduli gjithashtu me gradën rreshter si dhe Dosiagaiev që më vonë humbi jetën në luftime, janë rusët që kishin kryer vrasjen e vullnetarëve ukrainas. /Telegrafi/