Një ekip i gazetarëve britanikë morën rrugë për në qytetin ukrainas Bakhmut, atje ku po zhvillohen luftimet më të përgjakshme me rusët.
Rrugës për në lindje të Ukrainës, vazhdimisht i përcolli shiu dhe rrugët e mbuluara me baltë, transmeton Telegrafi.
Derisa i afroheshin destinacionit hasën në shumë pak civil, kurse gjurmët e gomave të veturës së ekipit të gazetarëve, ishin e vetmja dëshmi se ushtarët ukrainas po vizitohen nga dikush.
Të gjitha rrugët kryesore që çonin në drejtim të këtij qyteti, ishin mbushura me mina anti-tank nga ukrainasit, që duan t’ua parandalojnë ardhjen e mëtejme rusëve.
Ishin vetëm 700 metra që i ndanin ukrainasit nga vija e ushtarëve rusë, që po vëzhgoheshin vazhdimisht dhe artileria ishte në gjendje gatishmërie.
Që nga vera e kaluar ukrainasit dhe rusët vazhdimisht tentojnë të marrin nën kontroll këtë qytet, kurse nga vjeshta luftimet janë pothuajse të pandërprera – granatohet natën e ditën.
Javëve të fundit, rusët kanë pësuar humbje të mëdha si në makineri luftarake ashtu dhe në njerëz. Kështu të paktën pretendojnë ushtarët ukrainas të cilët u vizituan nga gazetarët.
Të strehuar brenda istikameve dhe në pritje të ndonjë sulmi eventual, ukrainasit dukeshin se kishin moral të lartë dhe madje gjatë bisedës vërehej se kishin arritur ta ruajnë sensin e humorit.
Sipas ukrainasve, mbi 30 mijë ushtarë rusë janë vrarë në këtë rajon që nga fillimi i luftës, kurse këto të dhëna i kanë konfirmuar edhe shumë agjenci perëndimore të inteligjencës.
Madje Kievi zyrtar pretendon se në Bakhmut dhe në periferi, gjatë ditëve të fundit kanë vrarë mbi 1 mijë ushtarë rusë.
Gazetari i Daily Mail, Richard Pendlebury, sjell një pjesë të rrëfimit nga vija e frontit, ku u takua me ushtarët ukrainas dhe sjell përvojat e tyre me rusët si dhe synimin që ata e kanë – pra çlirimin e çdo pëllëmbe të territorit të Ukrainës.
Ai u prit me buzëqeshje dhe mikpritje të ngrohtë nga ushtarët e Volodymyr Zelenskyt, që i shpjeguan në detaje metodën të cilën rusët e përdorin ndaj tyre.
Sipas ukrainasve, rusët aplikojnë metodën luftarake që daton nga Lufta e Parë Botërore, pra fillimisht dërgojnë disa njësi dhe në rast se nuk kthehen dhe vriten, rusët pauzojnë paksa dhe më pas dërgojnë njësi tjera.
Ukrainasit besojnë se Vladimir Putini po i sheh ushtarët e tij si “mish për top”, kurse shumica e të rekrutuarve janë pa përvojë luftarake dhe që janë sjellë nga burgjet, ku ishin dënuar për vrasje, pedofili, përdhunim e madje edhe kanibalizëm. /Telegrafi/
Lufta Prigozhin - Putin
Më shumëNjë nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Mallkimi i Faraonit: Mitet dhe realiteti i varreve egjiptiane
Blinken në Tel Aviv: Hamasi duhet të pranojë propozimin për armëpushim
Ukrainasit sërish sulmojnë me dron një rafineri nafte në Rusi
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit