I kërkoi fanellën Messit në fund të ndeshjes Bayern-PSG, por nuk e mori – Musiala zbulon se çfarë ndodhi

Jamal Musiala mendoi se do kishte më në fund një fanellë të Lionel Messit pas fitores së të mërkurës në Ligën e Kampionëve ndaj Paris Saint-Germain.

Talenti i Bayern Munichut impresionoi në ndeshjen në Allianz Arena pasi Bavarezët fituan 2-0, duke kaluar në çerekfinale me rezultat të përgjithshëm 3-0.

Por 20-vjeçari, i cili kishte parë bashkëlojtarin Alphonso Davies të largohej nga fusha me fanellën e Messit në ndeshjen e parë, donte një të tillë në takimin e dytë.

Lexo po ashtu Messi dhe Mbappe në shtëpi, Bayern Munich superior ndaj PSG-së

Pasi u zëvendësua në fund të takimit, Musiala u pa pas ndeshjes duke i kërkuar shtatë herë fituesit të Topit të Artë fanellën e tij. Messi i tha se një gjë të tillë do ta bënte në tunel, por nuk ndodhi kështu.

Musiala më vonë u pyet nga gazetarët në zonën mikse nëse ai kishte arritur të merrte fanellën e Messit, ndërsa përgjigja e tij ishte: “Unë nuk e gjeta atë”.

Natyrisht se ky veprim i argjentinasit mund ta ketë lënë të zhgënjyer gjermanin, që ka pritur një kohë të gjatë që ta ketë fanellën e njërit prej lojtarëve më të mirë në histori të futbollit. /Telegrafi/

Jamal Musiala: “My idol is Messi he scored so many goals, won so many titles and never changed. He is the best player in history. He stayed true to himself, to his way of being. I want to be the same.”

Messi offers him his jersey after the match❤️🐐

pic.twitter.com/0HxrNuZF75

— MC (@CrewsMat10) March 9, 2023