Carragher shpërthen pas eliminimit të PSG-së nga Liga e Kampionëve dhe i kërkon Mbappes të largohet

Ish-futbollisti, Jamie Carragher pretendon se Kylian Mbappe duhet të largohet nga Paris Saint-Germain sa më shpejt që të jetë e mundur pas humbjes së tmerrshme të së mërkurës ndaj Bayern Munichut në Ligën e Kampionëve.

Si francezi, ashtu edhe partneri i tij i sulmit, Lionel Messi, u mbajtën të qetë gjatë gjithë mbrëmjes teksa Bayerni arriti në një fitore të rehatshme 2-0 dhe një kalim tutje në çerekfinale me rezultat të përgjithshëm 3-0.

Ndërsa kërkimi i Mbappes për një medalje të lakmuar të Ligës së Kampionëve vazhdon, Carragher beson se shanset e tij më të mira për ta arritur këtë janë në një klub tjetër.

Lexo po ashtu Messi dhe Mbappe në shtëpi, Bayern Munich superior ndaj PSG-së

“Ju mund të humbni nga Bayern Munich, sigurisht që mundeni, një emër i madh gjithmonë do të eliminohej”, ka thënë fillimisht Carragher për CBS Sports.

“Por, të përfshihesh për sa kohë ata kanë pronësinë e Katarit, pronësinë shtetërore, më shumë para se kushdo tjetër në botë, blerjen e lojtarëve më të mirë… të dalësh pesë herë në 1/8-tën është një shaka. Është me të vërtetë”.

“Unë kam thënë më parë për Kylian Mbappe, ai duhet të largohet. Ata nuk janë afër fitimit të Ligës së Kampionëve, nuk mendoj se do të përmirësohet sezonin e ardhshëm nëse ajo skuadër qëndron. Thjesht mendoj se sa më shpejt të jetë në Real Madrid, aq më mirë”.

Pavarësisht se dy gola të anuluar në ndeshjen e parë në Parc des Princes, Mbappe kurrë nuk kërcënoi me të vërtetë atë mbrëmje, pasi 24-vjeçari tani ka duruar largime radhazi nga gara elitare evropiane.

Ky është eliminimi i pestë i PSG-së në këtë fazë në shtatë vitet e fundit, dështime të cilat Carragher nuk ngurroi t’i nënvizonte në analizën e tij pas ndeshjes.

Lexo po ashtu Notat e lojtarëve, Bayern Munich 2-0 PSG: De Ligt më i miri në fushë

“Jam i kënaqur që PSG është eliminuar. Thjesht nuk më pëlqen i gjithë organizimi, gjithçka rreth tij. Nuk është një ekip, ata janë thjesht një rrëmujë. Pesë vjet nga shtatë ata janë eliminuar në 1/8-tën”.

“Ata shpenzojnë më shumë para se kushdo, ata kanë lojtarët më të mirë në botë. Thjesht ju tregon se sa e rëndësishme është të jesh një ekip. Ky nuk është një ekip. Sinqerisht, Kylian Mbappe duhet të largohet nga ai klub”, përfundoi ish-mbrojtësi anglez. /Telegrafi/