Putini nuk do të jetojë aq gjatë sa të shohë fundin e luftës në Ukrainë – thotë analisti i televizionit shtetëror rus

Vladimir Putin dhe ata rreth tij në Kremlin nuk do të jetojnë për të parë ndonjë sukses në Ukrainë nëse lufta vazhdon me ritmin e saj aktual.

Kështu, siç raportojnë mediat e huaja, përcjell Telegrafi, ka pohuar në televizionin shtetëror një analist politik dhe personalitet i medias ruse.

Sergei Mikheyev, ish-drejtori i kompanisë ruse të kërkimit dhe monitorimit, Qendra për Analizën e Politikave Aktuale, i bëri komentet befasuese në një transmetim të drejtpërdrejtë televiziv.

Lexo po ashtu Një "dron kamikaz" ukrainas ka shkatërruar një kullë vëzhgimi në Rusi - publikohen pamje që tregojnë momentin e goditjes

“Nëse vazhdojmë të vazhdojmë në këtë mënyrë dhe me këtë shpejtësi, ju dhe unë nuk do të jetojmë aq gjatë sa të shohim ndonjë sukses”, citohet të ketë thënë ai.

“Dhe le të jemi të sinqertë me veten – lidershipi ynë nuk do të jetojë mjaftueshëm, gjithashtu”.

Komentet e Mikheyev erdhën mes akuzave ku ai goditi komandantët ushtarakë rusë dhe Kremlinin për atë që ai e përshkroi si ‘heshtje’ e tyre në përgjigje të dështimeve në fushën e betejës dhe paralajmëroi se Rusia nuk mund të tërhiqej.

Ai më vonë bëri thirrje që forcat e armatosura të “krijojnë probleme për kombet që mbështesin Ukrainën” duke nisur sulme në distanca të gjata për të demonstruar “epërsinë teknologjike” ruse dhe për të ndaluar “të luajturit sipas rregullave të lojës që na detyrohen”.

Vladimir Solovyov, i cili më parë drejtoi një talk show të quajtur “Kush është kundër?” përkrah Mikheyev në vitin 2019, dukej se pajtohej me shumë nga deklaratat e ish-kolegut të tij, por pjesa tjetër e panelit dukej e tronditur.

Lexo po ashtu 'I rrafshuar me tokë': Kështu duket një qytet në Ukrainë që ka rënë në duart e rusëve

Mikheyev ka mbajtur prej kohësh një qëndrim të ashpër ndaj luftës së Rusisë në Ukrainë dhe ka deklaruar hapur mbështetjen e tij për marrjen e sa më shumë territoreve në atë që ai tha se ishte ‘historikisht toka jonë’, e humbur për shkak të ‘gabimeve dhe tradhtive’.

Ai deklaroi gjithashtu se qëllimet zyrtare të Rusisë do të zhvendosen në përputhje me atë që forcat e saj të armatosura mund të arrijnë. /Telegrafi/