Rrjedhin fjalët Xavit nga zhveshtorja e Barcelonës në humbjen ndaj Almerias – lojtarët ishin të shokuar nga fjalori i trajnerit

Pushimi i pjesës së parë në Almeria mund të mbetet më gjatë në mendjet e lojtarëve të Barcelonës se shumica e të tjerëve. Gjatë atyre 15 minutave, ata ishin nën kritika të ashpra nga trajneri Xavi Hernandez, i cili i la të kuptonin saktësisht se çfarë mendonte për paraqitjen e tyre të tmerrshme në pjesën e parë.

“Është paraqitja më e keqe e jona e sezonit”, pranoi ai në konferencën e tij për shtyp pas ndeshjes, duke theksuar mungesën e intensitetit dhe paaftësinë e dukshme për të fituar beteja individuale në të gjithë fushën.

Megjithatë, brenda kufijve të dhomës së zhveshjes, Xavi nuk u përmbajt pasi e bëri shumë të qartë shqetësimin e tij për paraqitjen. Pamja e ashpër në fytyrën e trajnerit të Barçës, së bashku me seriozitetin e situatës, çuan në heshtje të plotë pasi lojtarët kishin hyrë brenda, gjë që shpejt bëri një bisedë me të cilën pak prej tyre ka të ngjarë ta harrojnë.

Lexo po ashtu Barcelona tronditet nga Almeria - shpërdoroi mundësinë e dhjetë pikëve distancë nga Real Madridi

“Nëse nuk ke shpirt, nuk mund të luash për Barçën”, ishte vetëm një frazë që u dëgjua duke bërë jehonë nëpër dhomat e zhveshjes në stadiumin Poëer Horse pas 45 minutave më të këqija të sezonit deri më tani. “Nuk po ju kërkoj të luani më mirë apo më keq, por të tregoheni krenarë”, shtoi Xavi. “Nuk mund të vazhdojmë kështu për një pjesë tjetër. Ne jemi Barcelona dhe ata po luajnë me ne”.

Pasi të bërtiturat u shuan, ishte koha për të kaluar në bordin e taktikave. Franck Kessie, i cili mezi ishte përfshirë në pjesën e parë, ishte njeriu i parë që i hapi rrugë Raphinhas, inkuadrimi i të cilit bëri që Barça të kthehej në lojë me dy anësorë në një përpjekje për të krijuar hapësirë ​​kundër një mbrojtjeje të thellë të Almerias.

Lexo po ashtu Xavi: Ishte ndeshja më e keqe e sezonit, jemi të zhgënjyer

Në fund të fundit, as zemërimi i Xavit dhe as rregullimet e tij taktike nuk ishin të mjaftueshme për të ndryshuar gjërat, edhe pse skuadra të paktën tregoi pak luftë dhe intensitet në pjesën e dytë.

Barcelona pësoi humbje 1-0 në udhëtim, duke humbur shansin që të shkojë dhjetë pikë difrencëë ndaj Real Madridit të vendit të dytë. /Telegrafi/