Kanë mbetur edhe dy ditë nga mbajtja e takimit të 27 shkurtit mes kryeministrit të Kosovës, Albin Kurti dhe presidentit të Serbisë, Aleksandar Vuçiq në Bruksel, ndërkaq para do të kenë propozimin e Bashkimit Evropian (BE) për normalizimin e marrëdhënieve.
Lidhur me takimin e së hënës, ditë më parë është deklaruar i dërguari i posaçëm i BE-së për dialogun, Mirosllav Lajçak, i cili theksoi se pret që Kosova dhe Serbia të pranojnë planin e zbatimit të propozimit evropian për normalizimin e raporteve.
“Ka ardhur koha që ai takim të organizohet në Bruksel dhe presim që nga partnerët tanë ta pranojnë zyrtarisht dhe publikisht atë propozim dhe të diskutojmë zbatimin e tij, kështu që ky është qëllimi i takimit tonë të hënën”, ka thënë Lajçak.
Ndërsa, para takimit në Bruksel, Kurti ka zhvilluar të premten një bisedë telefonike me këshilltarin e lartë amerikan Derek Chollet. Ky i fundit në një postim në Twitter pas bisedës telefonike me Kurti shkroi se SHBA-të mbështesin një takim konstruktiv që afirmon përkushtimin e të dyja palëve ndaj propozimit të Bashkimit Evropian.
Ai theksoi se tani është koha për të diskutuar për Asociacionin e komunave me shumicë serbe dhe se të dy vendet duhet të zbatojnë marrëveshjet e nënshkruara.
E për takimin e së hënës është deklaruar edhe njohësi i fushës së politikës, Emir Abrashi i cili tha se pala kosovare duhet ta kushtëzojë implementimin e Asociacionit të komunave me shumicë serbe me arritjen e marrëveshjes përfundimtare.
“Takimi i së hënës në Bruksel zhvillohet pas një periudhe të bllokimit të dialogut. Megjithëse gjatë kësaj periudhe ka pasur vizita të rregullta nga ana e emisarëve të huaj në Prishtinë e Beograd, palët megjithatë kanë dhënë sinjale të çrregullta rreth pranimit ose jo të këtij plani…
Por ajo që është me rëndësi është që pala kosovare të jetë e përgatitur për të paraqitur një plan për formimin e Asociacionit pa kompetenca ekzekutive, në përputhje me Kushtetutën e Republikës së Kosovës dhe me Marrëveshjen e vitit 2015, të cilën e ka nënshkruar edhe pala serbe, në mënyrë që topin t’ja gjuaj në fushë Beogradit, duke e hequr kështu përgjegjësinë nga vetja në rast të mos arritjes së një marrëveshjeje të hënën”, u shpreh ai.
“Në këtë formë, Kosova do të arrinte që Serbisë t’i shtonte presionin nga ndërkombëtarët dhe t’i shpërfaqte fytyrën e vërtetë presidentit serb, i cili dëshiron zvarritjen në pafundësi të dialogut”, tha ndër të tjera Abrashi.
Ndërsa, të shtunën kryetari i Partisë Demokratike të Kosovës (PDK), Memli Krasniqi, ka thënë se takimi i së hënës në Bruksel ndërmjet Albin Kurtit dhe Aleksandër Vuçiq nuk do të sjellë marrëveshje finale gjithëpërfshirëse ndërmjet Kosovës dhe Serbisë me njohjen e ndërsjellë në qendër.
Kryeministri i Kosovës, Albin Kurti, dhe presidenti i Serbisë, Aleksandar Vuçiq, në takimin e planifikuar për datën 27 shkurt, do të kenë përpara një propozim të Bashkimit Evropian për normalizimin e marrëdhënieve mes tyre.
Të hënën, përfaqësuesi i Lartë i BE-së për Politikë të Jashtme dhe Siguri, Joseph Borrell, fillimisht do të ketë takime bilaterale me liderët ndaras, e pastaj takim të përbashkët. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City