Suksesi në Ligën e Kampionëve mund të ndryshojë fatin e Interit

Ndeshja e ardhshme e Interit në të tetën e Ligës së Kampionëve me Porton mund të jetë një pikë kthese në fatin e klubit këtë sezon.

Nerazzurrët janë në një situatë të vështirë këtë sezon, duke qenë 15 pikë prapa liderit të ligës Napolit dhe vetëm pesë pikë përpara Lazios në vendin e pestë, duke synuar top katërshen.

Interi ia doli ta dërgonte Barcelonën në play-offin e Ligës së Evropës, ndëra kaloi fazën e grupeve të Ligës së Kampionëve, dhe fronti evropian mund të rezultojë sërish i rëndësishëm për të ardhmen e afërt të klubit.

Lexo po ashtu Interi nis bisedimet me përfaqësuesit e Marcus Thuram

Siç detajohet nga La Gazzetta dello Sport, mposhtja e Portos dhe arritja në çerekfinale të Ligës së Kampionëve do t’i sillte Interit rreth 20 milionë euro në total, mes të ardhurave të UEFA-s, bonuseve të sponsorëve dhe të drejtave televizive.

Këto janë para që nuk u buxhetuan nga drejtuesit e Nerazzurrëve në fillim të sezonit, me klubin që pret përparim edhe në fazat e tjera.

Eliminimi i Portos do t’i lejonte Interit të shmangte shitjen e një lojtari të dytë më të mirë gjatë verës – një do të shitet pavarësisht – dhe mund t’u japë atyre burime të mjaftueshme për të marrë një ose dy lojtarë me një pagë të lartë. /Telegrafi/