Bota e lojtarit të Nantes, Ignatius Ganago është shembur: Në vend se të luajë ndaj Juventusit, ai vajton vajzën e tij që ka vdekur në moshën pesë vjeçare

Futbollisti i kombëtares së Kamerunit, Ignatius Ganago, mësoi lajmin katastrofik për vdekjen e vajzës së tij pesëvjeçare.

Ganago po paraqitet me shumë sukses në Evropë. Ai është anëtar i klubit francez Nantes dhe ka bërë 11 paraqitje për kombëtaren e Kamerunit.

Mirëpo, ndryshe nga fusha sportive, ku gjithçka i shkon mirë, në jetën e tij private mësoi lajmin më të trishtë të mundshëm – se vajza e tij pesëvjeçare ka ndërruar jetë tragjikisht.

Klubi i Ligue 1 e konfirmoi këtë lajm të tmerrshëm në faqen e tyre zyrtare dhe njoftoi se Ganago nuk do të luajë në ndeshjen evropiane kundër Juventusit të enjten, që është faza e eliminimit të Ligës së Evropës.

C’est avec une profonde tristesse que nous apprenons le décès de la fille de @ignatiusganago 💔

Nous lui adressons nos sincères condoléances et lui apportons tout notre soutien 🙏#Ganago #Ignatiusganago #FCNantes pic.twitter.com/ssN1R9coLf

— SportMed TV (@SportMedTV) February 14, 2023

Atij iu dhanë ditë pushimi që të mund t’i thoshte lamtumirë vajzës së tij.

Ganago u kthye menjëherë në atdheun e tij. Duke konfirmuar lajmin në Twitter, Nantes shkroi në homazhe: “Klubi është në zi. Ne mendojmë shumë për ju dhe jemi me ju gjatë kësaj sprove të tmerrshme”.

Nantes gjithashtu fshiu fotot e tyre të profilit në të gjitha mediat sociale, ndërsa tifozët u bashkuan në zi për humbjen e tmerrshme të sulmuesit të tyre.

Le FC Nantes est en deuil.

C'est avec une profonde tristesse que le Football Club de Nantes a appris le décès de la fille de notre attaquant, Ignatius Ganago.

On pense fort à toi Gana'.
Le Club est avec toi à travers cette terrible épreuve.

— FC Nantes (@FCNantes) February 14, 2023

Gazeta franceze L’Equipe ka publikuar detajet rrëqethëse të kësaj tragjedie. Vajza e tij, e cila jeton me nënën e saj në Kamerun, u sëmur në një periudhë të shkurtër.

Ganago u nis menjëherë për në shtëpi në Kamerun, por nuk arriti në kohë për të parë vajzën e tij të gjallë për herë të fundit.

#MaxSports |

NANTES' Cameroonian striker Ignatius Ganago's daughter, Chloe, has tragically died aged five.#MaxTV #MaxFM #MaxOnline #Ligue1UberEats pic.twitter.com/RN8x1yDTxg

— Max TV (@maxtvgh) February 14, 2023

Mediat nuk kanë bërë të ditur arsyen e vdekjes së vajzës pesëvjeçare. /Telegrafi/