Me flokë gri, të gjatë e të shprishur, Anna Oxa është një hit në Sanremo

Anna Oxa hapi Festivalin madhështor në Sanremo dhe ne nuk mund të mos kujtojmë jetën e saj të stuhishme të dashurisë

Me një minutë heshtje për viktimat e tërmetit të tmerrshëm në Turqi, filloi Festivali italian i Këngës në Sanremo. Nderin e hapjes së festivalit e kishte Anna Oxa, e cila doli në skenë dhe këndoi “këngën e shpirtit”.

Këngëtarja me origjinë shqiptare (Ana Hoxha) nuk është shfaqur në tapetin e famshëm “të gjelbër” për të përshëndetur publikun, e kjo për shkak të gjendjes së keqe shëndetësore. Këngëtarja kishte temperaturë të lartë, ndaj mjekët e këshilluan që të mundohej në minimum.

Festivali në Sanremo është pikërisht ai që ka festuar Anna Oxa, e cila ka qenë gjithmonë një divë me karakter të shfrenuar dhe të egër, transmeton Telegrafi.

Anna Oxa filloi të merrej me muzikë që në moshë shumë të re. Performancën e saj të parë e pati në moshën 15-vjeçare, kur këndoi këngën ‘Fiorellin del Prato’ dhe për shkak të vokalit dhe talentit të pabesueshëm, si dhe emocioneve që jep në interpretimet e saj, ajo mori shumë shpejt nofkën “Zëri me zemër“.

Me albumin ‘L’eterno movimento” iu kthye etno-melosit, rrënjëve të saj shqiptare.

Që kur i vdiq nëna, Anna jeton e vetme në Zvicër.

“Unë jetoj në natyrë. Qëndrimi në natyrë është vendimtar për mbijetesën time në procesin krijues,” shpjegoi Ana. Në moshën 61-vjeçare, Anna Oxa duket fantastike dhe plot energji. Gjatë karrierës së saj, ajo u bë fytyra e festivalit më prestigjioz italian, Sanremo.

Çdo performancë e saj u shoqërua me një imazh të ri që shumëkush e kopjoi. Nga flokët e zinj të shkurtër, tek flokët rozë bebe dhe tashmë flokët e gjatë gri – Ana ishte gjithmonë ajo që vendoste trendet e reja.

“Që nga fëmijëria, jam ndjerë gjithmonë pjesë e një bukurie ekstreme, të jashtëzakonshme. Kur je në të, ndjen se nuk ka nevojë të aktrosh dhe të shpikësh role. Një gjendje të tillë e njohin fëmijët dhe më pas kur rriten, thonë ‘Kjo është e saktë, kjo është e gabuar, kjo është e mirë apo e keqe dhe si duhet të gjykojmë se kujt ose kujt duhet t’i përkasim’ … Fillon një rrugë e paracaktuar dhe vendosja e modeleve që na distancojnë plotësisht nga duke qenë njeri”, tha ajo.

Anna Oxa është e njohur për publikun për jetën e saj shumë të stuhishme të dashurisë, ndërsa për temën e dashurisë ajo flet kështu:

“Shumë ide për dashurinë nuk i përkasin dashurisë, si p.sh.: posesiviteti, kontrolli i të tjerëve, sjellja manipuluese… Dy njerëz mund të krijojnë bashkë, të jetojnë intensivisht dhe do të ishte interesante sikur të kishin të njëjtën energji dhe ta ndanin. Por shumë herë, njëra nga të dyja, i shërben tjetrës për të marrë energjinë, aromën dhe dashurinë e ndrydhur brenda. Dashuria është aroma e një luleje, e ujit që rrjedh, e një gjetheje të mbartur nga era”.

Anna, pas burrit të parë, Franco Ciani, u martua edhe për Gianni Belleno, me të cilin kanë dy fëmijë – një vajzë dhe një djalë. Shkurorëzimi i dytë ishte i zhurmshëm, e interesimin më të madh e ka nxitur martesa e saj me miliarderin Behgjet Pacolli, i cili, siç ka deklaruar ai vetë, ka dështuar si pasojë e xhelozisë së Anna-s. Martesa e katërt ishte me të riun, truprojën Mark Sansone, i cili ishte 22 vjet më i ri se ajo, por janë ndarë në vitin 2009.

Këngët e saj edhe sot e kësaj dite këndohen dhe zgjojnë ndjenjat në disa nga kohërat e kaluara.

/Telegrafi/