Tërmet afër Buffalo-s, New York – më i fuqishmi i regjistruar në zonë në 40 vjet

Një tërmet me magnitudë 3.8 ndodhi mëngjesin e së hënës pranë Buffalo, New York, më i forti i regjistruar në zonë në 40 vjet.

Tërmeti ndodhi 1.9 kilometra në lindje-verilindje të Senekës Perëndimore, New York, me një thellësi prej 2.9 kilometrave rreth orës 6:15 të mëngjesit, sipas Shërbimit Gjeologjik të SHBA-së, transmeton Telegrafi.

Ekzekutivi i qarkut, Erie, Mark Poloncarz tha se nuk ishte raportuar asnjë dëm deri më tani në Senekën Perëndimore, një periferi e Buffalo-s pranë kufirit SHBA-Kanada.

Ai tha se kishte folur me zëvendëskomisarin e Departamentit të Sigurisë Kombëtare dhe Shërbimeve të Emergjencave të Qarkut Erie, Gregory J. Butcher, i cili tha se një tërmet i konfirmuar u ndje deri në veri deri në Ujëvara e Niagarës dhe në jug deri në Parkun Orchard.

“U ndjeva sikur një makinë goditi shtëpinë time në Buffalo. Unë u hodha nga shtrati”, tha Poloncarz.

Ndryshe një tërmet i fuqishëm me shkallë 7.8 Rihter goditi Turqinë juglindore të hënën duke lënë mijëra njerëz të vdekur.

Lexo po ashtu Numri i të vdekurve nga tërmeti në Turqi dhe Siri mund të arrijë në 20,000 – thotë OBSH

Kërkimet për të mbijetuar po vazhdojnë ende. /Telegrafi/