Benzema është afër rinovimit të kontratës me Real Madridin

Edhe pse ai nuk i ka arritur majat e sezonit të kaluar, kur bëmat e tij i dhanë atij Topin e Artë të parë, Karim Benzema ka riafirmuar ende rëndësinë e tij për Real Madridin këtë sezon dhe pritet të rinovojë kontratën.

Francezi është kapiteni dhe ylli i klubit mbretëror, dhe pasi ka ngritur Superkupën Evropiane në fillim të sezonit, ai do të shpresojë të ketë fituar edhe më shumë trofe deri në fillimin e qershorit.

Ai tani është 35 vjeç, dhe padyshim që është në rënie të formës, por rëndësia e Benzemas për Real Madridin mbetet e padiskutueshme.

Lexo po ashtu Ancelotti flet për Benzeman dhe Modricin: Dua të pensionohen te Real Madridi

Drejtuesit e klubit e dinë se sa vendimtar është ai dhe kanë qenë të etur për të siguruar shërbimet e tij për një sezon tjetër, marrëveshja aktuale e të cilit skadon në verë.

Gazeta Nicolo Schira raporton se Benzema është afër nënshkrimit të një marrëveshjeje të re në kryeqytetin spanjoll, e cila do ta shihte atë të nënshkruajë një zgjatje njëvjeçare deri në verën e vitit 2024, duke vazhduar deri në momentin kur Endrick t’i bashkohet klubit, pasi braziliani pritet të jetë pasardhësi afatgjatë i francezit.

Kontributi i Benzemas është vënë në pikëpyetje disa herë këtë sezon nga tifozët e Real Madridit, por angazhimi i tij ndaj kauzës duket se mbetet i njëjtë si gjithmonë, dhe koha e tij në klub duket se do të zgjatet. /Telegrafi/

Karim #Benzema is one step away to extend his contract with #RealMadrid until 2024. #transfers https://t.co/iGfn1dlxrY

— Nicolò Schira (@NicoSchira) February 2, 2023