Numri i furrave të bukës në Ohër dhe Strugë ka rënë në mënyrë drastike

Kriza ekonomike dhe energjetike nuk është vetëm shkak për rritjen e çmimit të bukës, por edhe për mbylljen e një numri të madh furrash. Vetëm në rajonin Ohër-Strugë viteve të fundit janë mbyllur dhjetëra.

“Nëse kështu vazhdon, mendoj se ky sektor do të shuhet.” vetë pronari, nëse e njeh zanatin, do të duhet të vazhdojë punën dhe të ulë prodhimin. Një ditë do të vijë koha t’i mbyllim 90% të furrave të bukës. Para shtatë-tetë vitesh ne në Strugë dhe Ohër kishim 32 furra buke, ndërsa tani nuk funksionojnë as 11 furra”, tha Lupço Nastoski-pronar furre.

Mungojnë edhe furrxhinj. Është problem i madh në tregun e punës të gjendet kuadër i këtillë.

“E kërkon të punojë, i jep rrogë, rrogë minimale 18.000 denarë, i jep për katër orë punë, dhe distributori i pakënaqur të thotë, do të punoj në ndërmarrje publike, në ndërmarrje komunale, në komunë. Ai shkon në komunë ose në ndërmarrje publike për t’u shtrirë”, shtoi ai.

Sipas të dhënave vetëm në rajonin e Ohrit mungojnë dyqind furrtarë./Alsat.mk