Pas deklaratave të Luizit, Butrint Imeri reagon me një thumbim për Kiarën: A të merr malli që nuk jemi më?

Këngëtari Luiz Ejlli ka tash e sa kohë që flirton me moderatoren Kiara Tito brenda ambienteve të shtëpisë së Big Brother VIP Albania.

Kjo e fundit dikur ka qenë në lidhje me këngëtarin e njohur nga Kosova, Butrint Imeri – një lidhje e cila nuk qe shumë jetëgjatë.

Të enjten, Luizi i cili tenton të ketë një lidhje me Kiarën ka diskutuar me banorët e tjerë rreth Butrintit, duke u shprehur se nëse do të hynte këngëtari nga Kosova në BBVA, do ta nxirrte atë komplet jashtë loje.

@telepatic.tele♬ original sound – Teleptic

“Ai është problem. Se ti mund të thuash pavarësisht se jam ndarë me të kam raporte miqësore dhe ajo më nxjerr mua jashtë loje komplet”, tha artisti shkodran.

Lexo po ashtu Inspiruar nga Luiz Ejlli, lojtarët e FC Dritës i lyejnë flokët në të bardha - tifozët i 'ngacmojnë' në komente

Ndërkohë lidhur me këtë çështje, duket se ka pasur një reagim nga ana e interpretuesit të hitit “Hajt hajt”, Butrint Imeri.

Ai publikoi në InstaStory mbrëmjen e së enjtes një varg nga kënga e tij më e fundit, “Lule e dashnisë” e cila thekson: “A të merr malli që nuk jemi më?”.

Këtë varg ai e publikoi krahas një ‘selfie’ që publikoi nga një aeroplan në InstaStory, teksa ndjekësit e programit nuk kanë hezituar që ta quajnë si një thumbim kundrejt moderatores Kiara Tito.

Përndryshe, pak javë më parë këngëtari Imeri kishte shprehur hapur mbështetjen e tij për Kiarën, duke publikuar një fotografi të saj nga spektakli, shoqëruar me një emoji të kurorës sipër saj. /Telegrafi/