Debutimi i ëndrrave i Ermal Krasniqit në Superligën rumune, gol dhe asistim në derbi

Anësori nga Kosova, Ermal Krasniqi, e ka gjetur golin që në ndeshjen e tij të parë me skuadrën rumune, CFR Cluj.

24-vjeçari u transferua javë më parë te klubi i tij i ri nga Ballkani i Suharekës dhe tashmë ka lënë gjurmë që në sfidën e tij të parë.

Në ndeshjen ndaj Farul Constanta, gjysma e parë nuk prodhoi gola, ndërsa me të filluar pjesa e dytë, futbollisti nga Malisheva e tundi rrjetën.

Premier match officiel, et premier but en Superliga roumaine pour Ermal Krasniqi ! Parti de rien, appui sur Yeboah, finition clinique d'ailier buteur. Annoncé en avant match @FootballKosovar. Quelle pioche.

CFR Cluj est leader provisoire.pic.twitter.com/63sl1IhOL3 https://t.co/Imkh4vMckj

— Foot Roumain 🇷🇴 (@FootRoumain) January 23, 2023

Në minutën e 49-të, Krasniqi kombinoi me Emmanuel Yeboah, i cili ia ktheu topin dhe ‘numri 7’ hyri në zonë për të shënuar gol të bukur.

Lexo po ashtu Ermal Krasniqi: Ballkani do të ketë një vend special në zemrën time

Ai nuk u ndal me kaq. Pas golit të dytë të Cristian Manea të shënuar nga penalltia (59’), Claudiu Petrila e realizoi golin e tretë (77’), në të cilin anësori shqiptar ishte asistues.

Arkitekti i  këtij goli, Krasniqi, i kaloi për mrekulli dy lojtarë kundërshtarë dhe pastaj e gjeti në qendër bashkëlojtarin e tij, i cili realizoi. /Telegrafi/

GOOOL!

3-0 to CFR now as they overtake Farul as leaders

22yo Claudiu Petrila scores his 3rd goal of the season, with Krasniqi 🇽🇰 AGAIN crucial as he nutmegs captain Larie before beating Sirbu and crossing to Petrila

⚽️🅰️ for Krasniqi 💪pic.twitter.com/lueJ3Ne2L3

— Romanian Football (@RoFtbl) January 23, 2023