Kryeministri i Kosovës, Albin Kurti ka vizituar sot Skenderajn dhe Mitrovicën pas vërshimeve në këto komuma.
Kurti takoi kryetarët respektiv të komunave, Fadil Nura dhe Bedri Hamza. Nga ata u njoftua për gjendjen në komunat e tyre dhe diskutuan për nevojën e mësimeve të nxjerra në kuptim të reagimit dhe parandalimit të përkeqësimit të situatave të ngjashme.
Në këto takime, kryeministri Kurti shprehu gatishmërinë për ndihmë përmes të gjithë mekanizmave institucional. Së bashku vizituan vendbanimet e përmbytura. Në Skenderaj, fshatin Llaushë dhe Kuqicë, kurse në Mitrovicë, fshatin Lisicë, lagjen Fidanishtë dhe Liqenin e Mitrovicës.
Kurti e ka përshkruar në Facebook situatën e rëndë të krijuar pas vërshimeve në këto dy komuna, ndërsa ka thënë se ka rrezik për epidemi.
“Ibri e Sitnica janë bërë bashkë dhe janë shndërruar në liqe. Ka jo pak kafshë të ngordhura, andaj edhe rrezik për epidemi”, ka shkruar Kurti.
Kryeministri ka shtuar se si qeveri dhe institucione qendrore, që nga momenti i parë, kanë qenë në ndihmë të qytetarëve në zonat e prekura nga përmbytjet e ujit.
“Si përmes Agjencisë për Menaxhimin e Emergjencave dhe FSK-së, për të ofruar mbështetje të menjëhershme ashtu edhe përmes kompanive rajonale të ujësjellësit për të siguruar furnizim me ujë të pijes”, thuhet në njoftimin për media nga Zyra e Kryeministrit.
Në Skenderaj, njësitet profesionale të pompimit kanë intervenuar në shtëpitë dhe zonat ku ka pasur përmbytjet. Në koordinim me Ndërmarrjet Publike, janë dërguar cisterna për ujë të pijes.
“Pas kërkesave të pranuar nga Komuna e Skenderajt, me 20 janar, për batanije dhe ushqim, Qendra Operative e Ministrisë së Brendshme ka realizuar kërkesën për 120 batanije dhe ka filluar ofrimin e tri shujtave për 500 persona. FSK ka ndarë pako higjienike për banorët”, thuhet më tej në njoftim.
Në Komunën e Mitrovicës, për shkak të vërshimeve të shkaktuara nga reshjet e mëdha të shiut, rreth 100 persona janë zhvendosur nga shtëpitë e tyre për t’u akomoduar në hapësira të ndryshme. Për familjet e evakuara, FSK është kujdesur me pako higjienike.
“Në shtëpitë dhe zonat e përmbytura kanë intervenuar ekipet profesionale të pompimit. Në zona të ndryshme të qytetit dhe fshatrave janë siguruar cisterna të ujit të pijes. Cisternë e ujit i është siguruar edhe Spitalit të Mitrovicës. Ndërkohë, nga Njësitë Profesionale të Zjarrfikësve, në disa fshatra është bërë hapja e kanaleve anësore për qarkullim të ujërave dhe rënie të nivelit të ujit.
Angazhimi dhe mbështetja për zonat më të prekura dhe familjet që kanë nevojë po vazhdon edhe sot. Do të vazhdojë edhe nesër. Më e rëndësishmja është që dëmet janë vetëm materiale, dhe kjo është falë punës, përfshirjes dhe solidarizimit të të gjithëve me njëri-tjetrin”, thuhet në njoftim.
Kryeministri ka shtuar se ditëve në vijim, ashtu së bashku, do të punojmë për të sanuar dëmet e shkaktuara.
“Por, përveçse me pasojën, duhet të merremi edhe me shkaktarët. Për shumë vite rresht, shtretërit e lumenjve janë dëmtuar pa e me leje, pyjet janë çpyllëzuar me e pavetëdije, kurse projekte infrastrukturore janë realizuar pa planifikim adekuat. Këto padyshim që kanë përkeqësuar situatën pas reshjeve të shiut”, u shpreh Kurti.
Kurti ishte i shoqëruar nga ministri i Mbrojtjes, Armend Mehaj, ministri i Administrimit të Pushteti Lokal, Elbert Krasniqi, dy zëvendësministrat e Punëve të Brendshme, Gashani dhe Dobra, si dhe koloneli i FSK-së, Ejup Maqedonci. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Osmani: Liria e shtypit thelbësore për demokracinë – beteja kundër lajmeve të rreme dhe dezinformatave nuk ka qenë kurrë më urgjente
Bastisje në Kërçovë, arrestohen dy dilerë
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Dënohet me 24 vjet burgim prizrenasi, e kishte dhunuar seksualisht një vajzë nën moshën 14-vjeçare
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Dhoma e Tregtisë dhe Industrisë kërkon ndryshime urgjente në kalendarin e festave zyrtare - të mos pushohet në ditët e javës kur festat bien në vikend
Rama: Spitali i Kryeqytetit po bëhet, shumë shpejt projekti do të tenderohet
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe