Jo vetëm 200 milionë euro në vit – por nga kontrata me Al Nassr, Ronaldo e zgjeron fitimin në një milion në ditë

Cristiano Ronaldo do të dyfishojë pagën e tij vjetore prej 200 milionë eurosh, duke promovuar ofertën e Arabisë Saudite për Kampionatin Botëror në vitin 2030, duke i çuar të ardhurat e tij në gati një milion euro në ditë.

Sulmuesi veteran portugez nënshkroi për Al-Nassr muajin e kaluar pasi u largua nga Manchester United.

Ylli 37 vjeç nënshkroi një kontratë të mrekullueshme dyvjeçare, 200 milionë euro në sezon me skuadrën e ligës arabe.

Dhe ky do të jetë vetëm fillimi i fitimeve të tij në Lindjen e Mesme.

Sipas agjencisë së lajmeve AFP, Ronaldo do të fitojë 200 milionë euro të tjera për promovimin e Arabisë Saudite për Kmapionatin Botëror në vitin 2030.

Është e paqartë nëse këto 200 milionë euro të tjera do të jenë në një shumë të vetme – por mund ta shohin atë të marrë 400 milionë euro në një vit – vetëm një milion euro në javë.

Çdo përfshirje në përpjekjet e Arabisë Saudite për të organizuar Botërorin e vitit 2030 do ta bënte ish-yllin e Real Madridit të promovonte një ofertë rivale me atë të vendit të tij.

Portugalia, së bashku me Spanjën dhe Ukrainën, po përgatiten gjithashtu të përpiqen të fitojnë të drejtat e pritjes për kompeticionin për atë vit.

Spanja ka organizuar një Botëror më parë, ndërsa Portugalia dhe Ukraina nuk e kanë pasur ende këtë nder.

Arabia Saudite po konkurron së bashku me Egjiptin dhe Greqinë në atë që do të ishte një turne me tri kontinente.

AFP raporton se ardhja e Ronaldos në Al-Nassr u mbështet nga mbretërit e lartë sauditë – përfshirë Mohammed bin Salman.

Ata shtojnë se MBS dhe vëllezërit e tij janë mbështetës të Al-Nassr – dhe donin t’i jepnin klubit të tyre njohjen globale. /Telegrafi/