Edhe pse kishte lexuar për Kosovën dhe dinte pak për historinë e vendit tonë, gazetarja ukrainase Olga Lisnycha nuk e kishte menduar asnjëherë që festat e fundvitit do t’i kalonte në Prishtinë.
Olga Lisnycha është gazetarja e 12-të që ka gjetur strehim në Kosovë, pasi Rusia ka nisur pushtimin e vendit të saj më 24 shkurt 2022. Ajo arriti në Prishtinë pak javë më parë.
Gjatë një interviste për Telegrafin, gazetarja ukrainase ka ndarë rrëfimin e saj për situatën në Ukrainë dhe momentet e strehimit në Kosovë.
Ajo është shprehur se i dhemb zemra sa herë që flet dhe i kujton momentet e para të pushimit rus në Ukrainë.
“Një stuhi është gjëja më e tmerrshme që mund të ndodhë, pasi ajo sjell vdekje dhe shkatërrim. Sulmet ajrore, nevoja për të ikur dhe bombarduar magazinë – e gjithë kjo është e tmerrshme. Më dhemb të flas për të gjitha këto”, shprehet Lisnycha.
Lisnycha tutje e përshkruan si një “ferr të vërtetë” zonat e luftës në Ukrainë, derisa shton se askush nga të afërmit e saj nuk janë në zonën e luftës.
Edhe pse rreth 1.600 kilometra larg vendlindjes, Lisnycha ndjehet e lumtur që ndodhet në Kosovë.
Madje krahas trishtimit dhe frikës që mbretëronte tek ajo për vendlindjen e saj derisa fliste për ardhjen e saj në Kosovë dukej sikur ndjente një lehtësim. Ajo na tregoi se gjatë ardhjes së saj në Kosovë nuk pati ndonjë problem.
“Nuk kisha ndonjë problem. Nga Ukraina shkova në Vjenë dhe më pas me avion në Prishtinë”, rrëfen ajo për Telegrafin.
Lisnycha tutje e përshkruan Kosovën si një vend shumë të bukur, derisa shprehet se “njerëzit janë miqësor dhe mirëpritës”
“Kosova është një vend shumë i bukur, dhe Prishtina është e bukur, moderne, komode për jetë. Gjatë pushimeve të dimrit, rrugët, sheshet, restorantet dhe dyqanet janë të dekoruara bukur. Vendi ka një atmosferë të veçantë, përrallore. Më pëlqyen shumë njerëzit. Ata janë miqësorë dhe mikpritës, e të guximshëm. Më pëlqen edhe ushqimi vendas, është shumë i shijshëm dhe natyral”, tha gazetarja ukrainase.
Gazetarja Lisnycha thotë se ka lexuar shumë për Kosovën dhe se është interesuar shumë për ushqimet dhe restorantet këtu.
“Kam lexuar shumë për Kosovën, kam parë foto të bukura të natyrës dhe arkitekturës, jam interesuar për veçoritë e kuzhinës, sepse jam i interesuar profesionalisht për ushqimin dhe restorantet”, tha ajo.
Në fund të rrëfimit të saj për Telegrafin, Lisnycha pati edhe një dëshirë për babagjyshin e Vitit të Ri. Gazetarja ukrainase u shpreh se dëshira e saj e madhe e saj është “të jetoj në një Ukrainë paqësore dhe të begatë”.
“Dëshira ime më e madhe është të jetoj në një Ukrainë paqësore dhe të begatë. Dua që të jetë në një planet i ri, ku njerëzit e vlerësojnë jetën, dhe bëjnë gjithçka për ta kaluar atë që përjetuam”, u shpreh ajo.
Kujtojmë se lufta në Ukrainë ka nisur më 24 shkurt 2022. Rusia deri më tash ka shkatërruar shumë zona në këtë shtet, ndërkaq sipas të dhënave nga Pentagoni deri më tani janë vrarë mbi 200 mijë njerëz nga të dyja vendet. /Telegrafi/
Promo
Reklamo këtuLufta Prigozhin - Putin
Më shumëQUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Bislimi e cilëson të dështuar takimin për dinarin në Bruksel
Nënsekretarja amerikane në Beograd, thekson rëndësinë e përparimit drejt normalizimit të marrëdhënieve Kosovë – Serbi
PDK i hap rrugë kalimit të marrëveshjeve ndërkombëtare, zotohet se do t’i votojë në Kuvend
Aksident me vdekje në Rrugën e Kombit, arrestohet 27-vjeçari nga Prishtina
Ministria e Jashtme e Shqipërisë thërret ambasadorin serb, kërkohen sqarime për deklaratat e Vulinit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3