Në vitin 2018, Modric shpenzoi dy milionë euro për bashkëlojtarët e tij: Ai u bleu të gjithëve në klub dhe kombëtare të njëjtën dhuratë

Luka Modric është duke u përgatitur me Kroacinë për provën gjysmëfinale ndaj Argjentinës në gjysmëfinalen e sotme të Kupës së Botës.

Para ndeshjes foli bashkëpunëtori i tij Simon Bastiansen, i cili ka punuar me Modricin që nga Botërori 2018 në Rusi.

Modric dhe Bastiansen u takuan pas Rusisë: “Ai sapo kishte fituar Topin e Artë, në të njëjtin vit fitoi Ligën e Kampionëve dhe vendin e dytë në Kupën e Botës dhe u bë lojtari më i mirë i turneut, por kur e takova, kuptova se ai është ylli sportiv më i sjellshëm që kam takuar ndonjëherë. Dhe kam takuar shumë prej tyre”, ka thënë Bastiansen për mediat daneze.

Më pas ata u takuan në Zagreb dhe Bastiansen i solli Modricit një orë Breitling si dhuratë, i cili donte të punonte me futbollistin më të mirë të atëhershëm në botë.

“U ulëm për një pije dhe ai shikoi orën e tij. Në fakt, edhe unë po e shikoja dhe i thashë që mbante një orë shumë të bukur. Ai më falënderoi me mirësjellje dhe më pas, duket se i erdhi një ide”, tregon Bastiansen.

Në dorën e Modricit ishte një Daytona Rolex ari i kuq, dhe Bastiansen e dinte se kushtonte rreth 40,000 euro.

“Është një orë speciale”, i tha Modric më pas Bastiansen, i cili transmeton fjalët e kapitenit kroat: “Ai më thotë se e ka gëzuar veten me atë orë pasi fitoi Topin e Artë, por shton se ka blerë gjithsej 25 orë për shokët e tij te Real Madridi dhe 25 të tjera për shokët e tij te kombëtarja kroate. Por nuk ishin vetëm shokët e tij që morën dhurata, ai i bleu edhe për shoferët e autobusëve, mjekët, fizioterapistët dhe asistentët”.

Modriq, pra, shpenzoi dy milionë euro për ora për bashkëpunëtorët e tij më të afërt nga kombëtarja dhe klubi. /Telegrafi/