Santos nuk kursen kritikat ndaj Ronaldos për veprimin në ndeshjen e fundit të Portugalisë

Trajneri i Portugalisë, Fernando Santos, nuk ishte i impresionuar nga reagimi i Cristiano Ronaldos për t’u zëvendësuar gjatë humbjes së tyre ndaj Koresë së Jugut.

Lojtari 37-vjeçar u zëvendësua nga Andre Silva në minutën e 65-të të ndeshjes së fundit të fazës së grupeve të premten, me sulmuesin që mohoi më pas se ai kishte sharë në drejtim të trajnerit për largimin e tij.

Kapiteni i Portugalisë tha se komentet e tij ishin bërë në të vërtetë ndaj një lojtari të Koresë së Jugut, i cili po i thoshte të nxitonte të largohej nga fusha.

Pavarësisht, Santos nuk ishte i kënaqur me reagimin e Ronaldos, por thotë se çështja është zgjidhur përpara përballjes së Portugalisë në 1/8 me Zvicrën të martën.

“A i kam parë imazhet kur Ronaldo ishte nën largim nga fusha? Po. A nuk më pëlqeu ajo që pashë? Jo, nuk më pëlqeu aspak”, deklaroi Santos.

“Këto çështje zgjidhen me dyer të mbyllura. Është zgjidhur. Përfundim i plotë në këtë çështje dhe tani është fokusi i plotë në ndeshjen e nesërme”.

Portugalia ishte kualifikuar tashmë për në raundet e eliminimit përpara ndeshjes të së premtes dhe rezultati u barazua në 1-1 kur Ronaldo u largua nga fusha. /Telegrafi/