Publikoi fotografi intime në rrjetet sociale, Lazio shkarkon ‘njeriun e shqiponjës’

Lazio ka ndarë zyrtarisht rrugët me mbajtësin e tyre të shqiponjës, Juan Bernabe, pasi ai tregoi në rrjetet sociale fotografi të implantit të penisit apo e njohur ndryshe edhe si protezë penile.

Klubi kryeqytetas ka shkarkuar ‘njeriun e shqiponjës’ pasi ky i fundit kishte shpërndarë imazhe eksplicite të implantit të penisit të tij në mediat sociale.

Biancocelestët konfirmuan vendimin e tyre të hënën mbrëma, duke thënë se ndeshjet e ardhshme në shtëpi do të luhen pa ‘Eagle Olympia’, e cila dikur fluturonte mbi Stadio Olimpico para fillimit të çdo ndeshjeje.

Comunicato ufficiale

➡️ https://t.co/ODGqk6J4rb pic.twitter.com/35gPhXsk9k

— S.S.Lazio (@OfficialSSLazio) January 13, 2025

Lazio tha se ata ishin “të tmerruar” kur panë imazhet e shpërndara nga Bernabe në mediat sociale dhe lexuan pretendimet e tij.

Klubi i Serie A këmbënguli se ishte “e pamundur të shoqërohesh me një person që, me iniciativën e tij, e ka bërë të papranueshme vazhdimin e marrëdhënies”.

Bernabe kishte folur për implantin e tij me emisionin e radios italiane La Zanzara të hënën përpara se të shkarkohej nga klubi.

Ai tha se ai kishte shpërndarë fotot dhe videot në kanalin e tij privat ‘X’, që do të thotë se ishte një çështje private.

Megjithatë, ai pohoi gjithashtu se donte t’i ndërgjegjësonte njerëzit për llojin e operacionit që iu nënshtrua dhe se ai “nuk ishte penduar”.

Lazio e pezulloi Bernaben edhe në vitin 2021, kur ai u kap në kamera duke bërë një përshëndetje fashiste dhe duke thënë se e admironte Benito Musolinin. /Telegrafi/