Tovërlani e Sokoli analizojnë formën e Kroacisë dhe Belgjikës në Botëror

I ftuar në emisionin “Dueli Botëror” , trajneri i njohur, Bylbyl Sokoli ka treguar “problemin” e Belgjikës në këtë botëror.

Ai tha se “po shihet shumë se ka shumë përçarje brenda skuadrës dhe për këtë arsye erdhi këtë rezultat.

Këto yjet që janë në skaudër nuk po kontrollohen. Të kesh futbollistë si De Bruyne dhe Hazard dhe të mos jesh e rrezikshme është e pakuptimtë”.

Sokoli po ashtu shtoi se “po mendoj që befasia mundet të ndodhe të eliminohet Belgjika, sepse tashmë e ka ndeshjen me Kroacinë. Në këtë takim do të hyjnë me shumë presion”.

Në anën tjetër, Afrim Tovërlani nuk ka kursyer lëvdatat për mesfushorin e Kroacisë, Luka Modric.

Ai tha se “Modric është legjendë e futbollit, ai është dirigjent. Atij nuk i duhet të vrapojë shumë, është futbollist që rrallë herë mund ta shohim”.

Tovërlani po ashtu shtoi se “Modric është gjitmonë i heshtur, pa afera”.

Kjo është nata e nëntë e emisionit “Dueli Botëror” i cili do zgjasë deri në në finalen e madhe të Kupës së Botës.

Edhe në netët në vazhdim do të ketë të ftuar të ndryshëm nga bota e sportit dhe jo vetëm, të cilët në fokus kryesor do ta kenë diskutimin për Kampionatin Botëror