Neymar flet pas dëmtimit: Sot është një nga ditët më të vështira të karrierës sime dhe përsëri në Kupën e Botës

Yll i Brazilit, Neymar iu drejtua publikut për herë të parë pas lajmit se nuk do të luajë deri në fund të fazës së grupeve të Kampionatit Botërorit Katar 2022 për shkak të një dëmtimi.

Sulmuesi i PSG-së do të duhet të shërojë kyçin e këmbës së djathtë sa zhvillohet faza e grupeve.

Neymar ka shkruar në rrjetet sociale pas dëmtimit që e pësoi në ndeshjen ndaj Serbisë, ku fituan me rezultat 2-0.

“Krenaria dhe dashuria që ndjej duke veshur këtë fanellë nuk mund të shpjegohet. Nëse Zoti do të më kishte dhënë zgjedhjen se ku të lindja, do të ishte Brazili”.

“Asgjë nuk ka ardhur si në pjatë, gjithmonë më është dashur të ndjek ëndrrat e mia dhe qëllimet në jetë. Kurrë nuk i kam dëshiruar askujt asnjë të keqe dhe kam ndihmuar ata që kanë nevojë” .

“Sot është një nga ditët më të vështira të karrierës sime dhe përsëri në Kupën e Botës. Jam i lënduar. Do të dhemb por unë jam i sigurt se do të kem një shans të kthehem dhe do të bëj gjithçka për të ndihmuar vendin tim, shokët e skuadrës dhe veten time”.

View this post on Instagram

A post shared by NJ 🇧🇷 (@neymarjr)

Ai nuk fund ka thënë se nuk do të dorëzohet kurrë: “Unë jam biri i Zotit të plotfuqishëm dhe besimi im është pafund”, ka shkruar Neymar. /Telegrafi/