Përfaqësues të Ukrainës dhe Rusisë janë e kaluar janë takuar në Emiratet e Bashkuara Arabe për të diskutuar për mundësinë e shkëmbimit të burgosurve, por edhe rivendosjen e eksportit të amoniakut rus në Afrikë dhe Azi përmes tubacionit ukrainas, raporton Reuters.
Burimet thonë se takimi është ndërmjetësuar nga Emiratet e Bashkuara Arabe, pa pjesëmarrjen e Kombeve të Bashkuara, e cila normalisht luan një rol të madh në negociata të tilla, transmeton Telegrafi.
Amoniaku që eksporton Rusia, përdoret për prodhimin e plehrave. Qëllimi i këtyre negociatave është të zgjidhen çështjet e mbetura të kontestuara rreth eksporteve, pasi marrëveshja për eksportet e drithit u zgjat javën e kaluar.
Më 17 nëntor, përfaqësuesit rusë dhe ukrainas udhëtuan në kryeqytetin e Emirateve të Bashkuara Arabe, Abu Dhabi, për të diskutuar për eksportet ruse të amoniakut në këmbim të lirimit të një numri të madh të burgosurish.
Nuk dihet se cilat ishin përfundimet e takimit, ndërsa ambasadori ukrainas në Turqi, Vasil Bodnar, tha për Reuters: “Lirimi i robërve tanë të luftës është një nga kushtet për lejen ruse të eksportit të amoniakut”.
Ai shtoi se nuk dinte asgjë për takimin në Emiratet e Bashkuara Arabe.
Në anën tjetër, Putin tha dje se zyrtarët rusë po punojnë për zhbllokimin e plehut rus që ndodhet aktualisht në portet evropiane, por edhe për të nisur sërish eksportin e amoniakut.
Ministria e Jashtme e Emirateve të Bashkuara Arabe dhe ministritë e Mbrojtjes dhe të Punëve të Jashtme ruse dhe ukrainase, nuk iu përgjigjën kërkesës së Reuters për koment.
Eksporti i amoniakut rus do të bëhej përmes tubacionit ukrainas për në Detin e Zi. Deri në 2.5 milion tonelata gaz amoniak në vit, mund të kalojë përmes këtij tubacioni nga Rusia në portin ukrainas të Detit të Zi, por ai u mbyll pas fillimit të pushtimit të Ukrainës më 24 shkurt. Eksportet e amoniakut nuk ishin pjesë e marrëveshjes së Kombeve të Bashkuara për korridoret e eksportit të grurit.
Javën e kaluar, Rebeca Grynspan, Sekretarja e Përgjithshme e agjencisë së OKB-së UNCTAD, e cila udhëhoqi negociatat për eksportin e plehrave, tha se mendon që Rusia dhe Ukraina do të ishin në gjendje të bien dakord për eksportet e mëtejshme të amoniakut.
Presidenti ukrainas Volodymyr Zelensky, njoftoi më parë kushtet që Rusia duhet të plotësojë përpara se të lejohet të eksportojë amoniak përmes tubacionit ukrainas.
Ndër këto kushte ishte shkëmbimi i të burgosurve dhe rihapja e portit të Mikolaivit në Detin e Zi. As Ukraina dhe as Rusia nuk kanë shpallur ende numrin zyrtar të të burgosurve që kanë mbajtur që nga fillimi i pushtimit. Më 28 tetor, Zelensky tha se Rusia kishte liruar gjithsej 1,031 të burgosur ukrainas që nga marsi.
E Abu Dhabi po merr një rol në këto negociata të ngjashme me atë të Arabisë Saudite, e cila shënoi një fitore diplomatike në shtator, duke siguruar lirinë e luftëtarëve të huaj të kapur në Ukrainë.
Emiratet e Bashkuara Arabe dhe Arabia Saudite janë anëtarë të aleancës së naftës OPEC+, anëtare e së cilës është edhe Rusia. Ata mbetën në marrëdhënie të mira me Moskën, pavarësisht presionit nga Perëndimi për të izoluar Rusinë për shkak të siç u referohen rusët “operacionit të saj special ushtarak”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Shkalla e shkatërrimit është e madhe dhe e paprecedentë” – OKB vlerëson se rindërtimi i Gazës do të kushtojë 30 deri në 40 miliardë dollarë
Shoferi me gjasë nuk i kishte bërë matjet mirë – momenti kur një kamion me zhavorr përplaset në një mbikalim në Detroit
Macron tregon se në çfarë rrethana do të dërgonte trupa në Ukrainë
I ndodhë sërish Aleksandar Vulinit, filmohet në Kuvendin e Serbisë duke “folur dhe grindur me veten”
Macron tregon se në çfarë rrethana do të dërgonte trupa në Ukrainë
Samiti i paqes për Ukrainën: Çfarë është dhe a do të jetë Rusia pjesë e tij?
Pamje nga ajri që tregojnë se çfarë ka mbetur nga qyteti ukrainas Chasiv Yar
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Babai nga New Jersey detyronte të birin 6-vjeç të vrapojë në “treadmill” sepse besonte se ishte “shumë i plotë – 12 ditë më vonë vogëlushi ndërron jetë nga abuzimi “kronik”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit