“Në jetën time nuk jam dorëzuar kurrë”, Benzema reagon pas lëndimit që e la pa luajtur në Kupën e Botës

Karim Benzema ka reaguar pas lajmit se do të mungojë për Francën në të gjithë Kampionati Botërorin “Katar 2022” për shkak të një dëmtimi në kofshë.

Të shtunën mbrëma, fituesi i Topit të Artë, Benzema u tërhoq nga skuadra e Francës për Kupën e Botës.

Sulmuesi po merrte pjesë në seancën e tij të parë në Katar dhe pësoi një dëmtim në kofshë përpara se skanimet të zbulonin shkallën e dëmtimit.

Ai tani ka reaguar ndaj lajmeve se nuk do të jetë në gjendje të përfaqësojë kombin e tij në turne.

“Në jetën time nuk jam dorëzuar kurrë, por sonte duhet të mendoj për ekipin siç kam bërë gjithmonë, kështu që arsyeja më thotë t’ia lë vendin tim dikujt që mund të ndihmojë grupin tonë të bëjë një Botëror të mirë. Faleminderit të gjithëve për mesazhet tuaja të mbështetjes!”, ka shkruar Benzema në Twitter.

De ma vie je n’ai jamais abandonné mais ce soir il faut que je pense à l’équipe comme je l’ai toujours fait alors la raison me dit de laisser ma place à quelqu’un qui pourra aider notre groupe à faire une belle Coupe du Monde. Merci pour tous vos messages de soutien 🙌🏼❤️ pic.twitter.com/SBalX0juAH

— Karim Benzema (@Benzema) November 19, 2022

Lëndimi i Benzemas është i fundit në një seri të gjatë për skuadrën franceze. Paul Pogba dhe N’Golo Kante u përjashtuan disa javë më parë, ndërsa Presnel Kimpembe dhe Christopher Nkunku të dy u desh të tërhiqeshin nga skuadra përfundimtare.

Është e paqartë ende se kë do të thërrasë Didier Deschamps për të zëvendësuar Benzeman, me disa emra që përmenden.

Deschamps ka kohë deri të hënën mbrëma për të zëvendësuar Benzeman, me vendimet e FIFA-s që thonë se zëvendësuesi mund të kërkohet deri në 24 orë përpara ndeshjes së parë të kombit të tyre. Franca e nis turneun e saj kundër Australisë më 22 nëntor. /Telegrafi/