“I bëj thirrje të mos bëj zhurmë”, “nuk mundesh me ma ndal fjalën” – përplasje mes deputetit Gashi dhe ministres Haxhiu

Shefi i Grupit Parlamentar i Lidhjes Demokratike të Kosovës, Arben Gashi me të filluar fjalimin e tij në Kuvend pati një përplasje me ministren e Drejtësisë, Albulena Haxhiu e cila fliste nga ulësja e saj.

Gashi në kohën kur mori fjalën në seancën e Kuvendit të Kosovës i bëri thirrje ministres Haxhiu që të mos bëj zhurmë. “Mundësisht i bën thirrje Albulenës që të mos bëj zhurmë prapa se jam duke mbajtur diskutim”, u shpreh Gashi, raporton Telegrafi.

Kjo nxiti reagimin e ministres Haxhiu, e cila tha “ti s’munesh me më ndalu mu… nuk mundsh me ma ndal fjalën…”.

“Mundem me ta ndal zhurmën Albulenë, fjalën jo…E nderuara kryesuese të lutem krijomë kushte që të mbahet seanca…”, u shpreh më tej Gashi.

“Zhurma juaj gjithmonë më e ultë se argumenti dhe përkushtimi jonë për punë…Sado bëni zhurmë, pak do të jetë përballë argumentit… Nuk e mirëkuptoj gjuhën e ministres dhe fjalët që po i përdor nga mbrapa. Do të duhej që për gjuhën që po përdor kryesuesja t’ia tërhiqte vërejtën dhe ta largonte nga seanca…”, tha ndër të tjera Gashi. /Telegrafi/