FSG dëshiron ta transferojë Bellinghamin si “dhuratë lamtumirëse” për tifozët e Liverpoolit

Liverpool thuhet se është futur në garë me të gjitha forcat për nënshkrimin e Jude Bellingham nga Borussia Dortmund në atë që mund të jetë një “dhuratë lamtumire” e fundit nga Fenway Sports Group (FSG).

Anglezi ka qenë në formë të bujshme këtë sezon për skuadrën gjermane dhe pritet të përfshihet në skuadrën e Gareth Southgate për Kupën e Botës pavarësisht se është vetëm 19 vjeç. Ky do të ishte turneu i dytë i madh i Bellingham për Tre Luanët.

I riu nga Birmingham po lidhet me klube në të gjithë Evropën, duke përfshirë kampionin evropian Real Madridin, por duket se Liverpooli për momentin është duke udhëhequr garën, sipas ESPN.

FSG konfirmoi dje për The Athletic se pronarët aktualë janë në kërkim të investitorëve të rinj pas zotërimit të klubit të Ligës Premier që nga viti 2010, por puna e tyre në klub mund të mos ketë përfunduar ende.

Marca gjithashtu beson se Liverpooli është konkurrenti kryesor për nënshkrimin e tij, por ka thënë se çmimi prej 150 milionë euro është i lartë dhe janë të gatshëm të paguajnë 100 milionë.

FourFourTwo raporton se FSG mund të tentojë të blejë Bellinghamin si një “dhuratë lamtumirëse” për klubin dhe të rrisë vlerën e tij përpara shitjes së mundshme. /Telegrafi/