Presidenti i Flamengos hedh poshtë zërat për transferimin e Ronaldos, thotë se ai do të ishte vetëm në bankinën e tyre

Presidenti i Flamengos ka thumbuar Cristiano Ronaldon dhe thotë se ai do të zinte vend vetëm në bankinën e skuadrës pasi qeshi nga spekulimet për një transferim të mundshëm.

Portugezi është rikthyer te Manchester United pasi u ndëshkua për refuzimin e hyrjes si zëvendësues kundër Tottenhamit, duke nisur tre ndeshjet e fundit.

Ai vazhdon të lidhet me një largim nga Old Trafford, megjithatë, dhe Flamengo u emërua si një klub i mundshëm.

Gjigantët brazilianë sapo kanë fituar Copa Libertadores, pasi mposhtën Athletico Paranaense 2-1 në finale falë një goli nga ish-sulmuesi i Interit, Gabriel Barbosa.

Skuadra e tyre përfshin emra të njohur si Arturo Vidal, David Luiz, Diego dhe Filipe Luis dhe u fol se po përgatitej një lëvizje me para të mëdha për Ronaldon.

Megjithatë, Rodolfo Landim ka mohuar prerazi se ata janë duke tentuar transferimin e Ronaldos dhe pretendon se 37-vjeçari as nuk do të ishte në anën e tyre.

“Nuk e di nga erdhi, por ata kanë shumë kreativitet”, deklaroi Landim në podcast “Papo Reto”, sipas Record.

“Së pari, unë pyes: Për vendin e kujt? Është për të qenë në bankinë. Nga ajo që kam lexuar në internet, nuk e di nëse është e vërtetë apo jo, atij do t’i ishin ofruar 242 milionë euro për një kontratë dyvjeçare. E ndarë me 24 muaj, kjo është rreth 10 milionë dollarë në muaj”.

“Flisni për një vlerë shumë më të madhe se e gjithë paga e Flamengos për Cristiano Ronaldon”.

“Të jesh zëvendësuesi i Pedros apo Gabigolit (Gabriel Barbosas)? Nuk mundem… askush këtu nuk do të çmendet”.

“Koha amatore e menaxhimit, e të menduarit se në të ardhmen do të paguajmë faturat, nuk ekziston më. Nuk ka mundësi të hedhim një hap që nuk është i vendosur”, ka vazhduar ai.

Landim u pyet edhe për një transferim spekulativ për Neymar. Ai pranoi se do të ishte një “ëndërr” të kishte yllin kryesor të Selecaos në radhët e tyre, por beson se klubet në Brazil nuk kanë financat e duhura. /Telegrafi/