Shtëpia e Bardhë ka akuzuar Korenë e Veriut për “dërgimin e fshehtë” të një “numri të konsiderueshëm” predhash artilerie në Rusi për të mbështetur përpjekjet e saj të luftës.
Por çfarë ka thënë Koreja e Veriut për luftën në Ukrainë dhe çfarë marrëdhënie kanë të dy vendet?
Para fillimit të agresionit rus në Ukrainë, në fund të shkurtit, Koreja e Veriut ishte aleate e Rusisë dhe kishte shprehur mbështetjen për aneksimin e Krimesë në vitin 2014.
Dhe kjo nuk ka ndryshuar që nga shkurti.
Vetëm disa ditë pasi Rusia filloi agresionin mbi Ukrainë, Koreja e Veriut fajësoi për luftën “politikën hegjemoniste” të Shteteve të Bashkuara dhe Perëndimit.
Kievi ndërpreu lidhjet me këtë vend pasi ai njohu zyrtarisht dy republika të vetëshpallura të të mbështetura nga Rusia në Ukrainën lindore si shtete të pavarura – Donetsk (DPR) dhe Republikat Popullore të Luhanskut (LPR), në rajonin Donbas të Ukrainës.
Në javët e fundit, Koreja e Veriut ka deklaruar gjithashtu mbështetjen e saj për aneksimin e paligjshëm të Rusisë të katër pjesëve të Ukrainës – dhe akuzoi SHBA-në për aplikimin e “standardeve të dyfishta të ngjashme me gangsterët” në ndërhyrjen në punët e vendeve të tjera.
Ndërsa sa i përket liderëve, presidenti rus Vladimir Putin dhe homologu i tij i Phenianit Kim Jong-Un duket se janë në “marrëdhënie komode”.
Në tetor, Kim madje i dërgoi një urim për ditëlindjen Putinit, duke e uruar atë për “’shpartallimin’ e sfidave dhe kërcënimeve të Shteteve të Bashkuara”. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251