Deputeti i LDK-së, Armend Zemaj, duke folur për çështjen e targave të premten, tha se është përgjegjësi e Qeverisë së Kosovës të zbatojë rendin dhe ligjin në gjithë territorin e vendit.
Ai në një konferencë për media, bëri thirrje për përgjegjësi duke deklaruar që “nuk është koha e lojërave dhe mbulesës së dështimeve në procesin e dialogut”. Por, sipas tij, është koha e vendimmarrjes dhe bashkëpunimit me ndërkombëtarët por edhe partitë opozitare në vend.
Zemaj kritikoi qeverinë për mostransparencë në çështjen e dialogut me Serbinë duke e quajtur atë të papërgjegjshme.
“Në ditët në vazhdimësi kemi edhe një vendim që duket do të krijojë edhe një situatë të re ose një momentum të ri edhe në procesin e dialogut por edhe në procesin e brendshëm integrues të komuniteteve pakicë që jetojnë në Republikën e Kosovës. Ne thërrasim për përgjegjësi. Nuk është koha e lojërave, nuk është koha e mbulesës së dështimeve edhe në procesin e dialogut”.
“Është koha e vendimmarrjes syçeltësisë, e bashkëpunimit me partnerët ndërkombëtarë por edhe me subjektet e tjera opozitare dhe pse për Qeverinë duken të vogla nga ajo arroganca e numrave por janë të rëndësishëm për proceset integruese që kalon Republika e Kosovës….Ne nuk jemi në qeveri, ne nuk udhëheqim me Qeverinë e Republikës së Kosovës, është përgjegjësi e Qeverisë së Republikës së Kosovës që të zbatojë rendin dhe ligjin në gjithë territorin e saj ashtu siç e përcakton Kushtetuta dhe legjislacioni në fuqi”, u shpreh Zemaj.
Ish-ministri i Shëndetësisë foli edhe për gjendjen në shëndetësi, ndërsa akuzoi Qeverinë Kurti se ka dështuar në menaxhimin e këtij sektori.
Para mediave, Zemaj tha se duhet të bëhen intervenime të shpejta në përmirësimin e gjendjes.
“Intervenimet duhet të bëhen të shpejta sidomos në furnizim me barna, me material shpenzues, por ligji i pagave, ofrimi i pagave të dinjitetshme për profesionistët shëndetësor, mjekët dhe infermierët por edhe stafin tjetër, nëse nuk bëhet me kohë të shpejtë dhe reale atëherë do të kemi vitin e ardhshëm pothuajse një emergjencë humane profesionale në këtë sektor”, u shpreh deputeti i LDK-së.
Ai përmendi si shqetësim moslëvizjet në drejtim të krijimit të fondit për sigurime shëndetësore, mungesën e furnizimit me barna nga lista esenciale, dhe listat e gjata të pritjeve të pacientëve për të marrë shërbime.
“Dorëheqja edhe e një ministri dhe caktimi i një ekipi ekzekutiv për menaxhim të shëndetësisë tregon që kryeministri dhe kjo qeveri e ka pranuar dështimin e tij në këtë sektor. Se Qeveria Kurti ka dështuar në menaxhimin e shëndetësisë flasin edhe shifrat e investimeve kapitale në këtë fushë. Vetëm 5% e investimeve kapitale në shëndetësi janë realizuar gjatë këtij viti. Kjo është një mesatare edhe më e tmerrshme sesa mesatarja prej 10% e realizimit të investimeve nga të gjitha ministritë e vendit. Vetëm 530 mijë e 702 euro nga 10 milion e 63 mijë euro të zotuara janë shpenzuar për projekte nga Ministria e Shëndetësisë. Në këtë ministri nga 15 projekte kapitale që janë paraparë me ligjin e buxhetit kanë filluar vetëm dy dhe ato janë vetëm në fazën iniciuese të saj”.
Zemaj shtoi se Qeveria Kurti e ka zvogëluar buxhetin për shëndetësi afër 15% derisa shtoi se largimi i profesionistëve shëndetësorë po bëhet për shkak të pagave të ulëta dhe trajtimit jo të mirë të tyre. Ai potencoi se për nëntë muaj të këtij viti janë larguar 180 mjekë. /Telegrafi/
Lufta Prigozhin - Putin
Më shumëNga Mali i Zi në Kosovë: Historia e mjekes që u bë dorë e zgjatur për shumë gra
Gjukiq: Masat e Serbisë në lidhje me Kosovën, veprime të gabuara
Plagosja në Mitrovicë – të dyshuarit ende në arrati, policia tregon se çka gjeti në vend ngjarje
Kaluan ilegalisht kufirin në Zubin Potok – policia arreston dy persona, u gjeti radiolidhje dhe thikë
“Propozimi u diskutua me Ramën gjatë një kafeje në Davos”, WSJ zbulon planet e Jared Kushner dhe Ivanka Trump për Sazanin
Ambasadori gjerman dhe ai britanik shijojnë bukuritë natyrore të Kosovës
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit
Kader Kicaj pjesë e kinematografisë evropiane?
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë
Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur
Xhuli Nura zbulon lidhjen e re: Djaloshi nga Zvicra është më i ri se ajo
Dyshohet se përmban një oqean dy herë më të madh se ai i Tokës, NASA gati të nisë anijen më të madhe kozmike drejt hënës së Jupiterit