Dokumentet e lëna pas nga ushtria ruse zbuluan se si ndodhi një nga humbjet më të rënda të Putinit në Ukrainë

Kur trupat ruse u larguan nga qyteti ukrainas i Balaklia muajin e kaluar, ata lanë pas mijëra faqe dokumentesh që detajojnë punën e makinës ruse të luftës.

Dokumentet u gjetën në një bunker të braktisur që shërbente si bazë për rusët gjersa u vizitua edhe nga reporterët e luftës të reuters.

Dokumentet përmbajnë 91 faqe me shumë informacione: koordinatat e njësive të inteligjencës ruse, regjistrimet e thirrjeve të komandantëve, detajet e betejave, të dhënat për njerëzit e vrarë dhe pajisjet e shkatërruara. Gjithashtu edhe raporte për një rënie të moralit dhe disiplinës brenda ushtrisë.

Ato detajojnë punën e brendshme të ushtrisë ruse dhe hedhin dritë të re mbi ngjarjet që dërguan në një nga humbjet më të rënda të presidentit, Vladimir Putin në fushën e betejës: tërheqjen kaotike të Rusisë nga verilindja e Ukrainës në muajin shtator.

More photos from the command bunker. Propaganda posters warned that Ukraine would descend into Nazi rule if the Russian troops left. The furnace at the back of the bunker room was stuffed with documents. They left a plastic bag of more papers to be burned stuck to the furnace pic.twitter.com/aJohiQuYxQ

— Mari Saito (@saitomri) October 26, 2022

Në javët para asaj humbjeje, forcat ruse po ballafaqoheshin me probleme të mëdha. Ata përdorën drone të pilotuar nga ushtarët të patrajnuar. Pajisjet e tyre për bllokimin e komunikimeve ukrainase shpesh nuk funksiononin. Nga fundi i gushtit, dokumentet tregojnë se forcat ishin të rraskapitura, të prekura dezertime të shumta dhe humbje jetësh. Dy njësi, të cilat përbënin rreth një të gjashtën e totalit të forcave, vepronin me 20 për qind të fuqisë së tyre të plotë.

Dokumentet zbulojnë gjithashtu efektivitetin në rritje të forcave ukrainase dhe ofrojnë të dhëna se si mund të vazhdojë lufta, sipas reuters. Në javët para tërheqjes, forcat ruse rreth Balaklias, një qytet 90 kilometra në jug të Kharkiv, u vunë nën bombardime të rënda nga sistemet raketore HIMARS të furnizuara nga SHBA. Raketat precize goditën disa herë pikat e komandës.

Një oficer rus, i cili shërbeu në Balaklia për tre muaj, përshkroi për Reuters “ndjenjën e kërcënimit që varej mbi pushtuesit”. Një nga miqtë e tij u gjakos për vdekje në fillim të shtatorit pas një sulmi ukrainas në një post komandë në një fshat aty pranë.

“Është një lojë rulete”, tha oficeri. Ju jeni ose me fat ose jeni të pafat. Sulmet mund të ndodhin kudo”, tha ai.

Ministria ruse e Mbrojtjes nuk iu përgjigj pyetjeve të Reuters. Por Rusia ka këmbëngulur për javë të tëra që ushtarët e saj kanë gjithçka që u nevojitet për të luftuar.

Dokumentet në bunker i takojnë kolonel Ivan Popov, komandant i forcave ushtarake ruse që operojnë në Balaklia. Ai dhe shumë nga oficerë të lartë i përkasin Korpusit të 11-të të Ushtrisë, pjesë e Flotës Balltike të Marinës Ruse.

Në vitin 2017, gazeta zyrtare e Forcave të Armatosura Ruse publikoi një profil të Popov. Ai thuhet se ka shërbyer në luftën e Rusisë kundër separatistëve në Çeçeni dhe në pushtimin e Gjeorgjisë në vitin 2008.

Forcat Balaklia përfshinin një komandant përgjegjës për mbajtjen nën kontroll të popullsisë civile lokale. Në dokumente ai identifikohej me një pseudonim të dukshëm, komandant V. Ai mbikëqyri të paktën një qendër marrje në pyetje ku civilët u rrahën dhe torturuan me goditje elektrike.

Trupat ruse pushtuan Balaklian në fillim të marsit. Ushtarët pushtuan një kompleks të rrënuar riparimi automjetesh në periferi të qytetit. Ajo u bë qendra komanduese për Balaklia dhe dhjetëra fshatra përreth. Reuters gjeti në bodrum dokumente sekrete.

Brenda dhomës së komandës, një reporter i reuters pa tavolina të rregulluara në një drejtkëndësh. Secili mbante një etiketë të kuqe me emrin e një departamenti ushtarak: koordinim luftarak, luftë elektronike, inteligjencë, mjete ajrore pa pilot. Komandantët e departamenteve takoheshin këtu çdo ditë, duke përfshirë komandantin përgjegjës për popullatën civile. Reuters ka identifikuar të paktën 11 oficerë që morën pjesë në ato takime.

Listat e personelit treguan se rekrutët nga rajoni Luhansk, i kontrolluar nga Rusia, luftuan së bashku me burra nga Korpusi i 11-të i Ushtrisë Ruse. Ushtarët shkarravitën në muret e bazës dhe ngjitën fletëpalosje që paralajmëronin se Ukraina do të binte nën sundimin nazist nëse tërhiqeshin. Pushtuesit sollën me vete harta të vjetra sovjetike të Ukrainës. Kishte edhe një poster me mbishkrimin: Mos pi duhan, mos bëj mbeturina.

Throughout July, Russian officers in Balakliia were increasingly anxious about equipment shortages. They finally got 3 quadcopter drones on July 20 but they weren’t ready to fly because their software wasn’t installed yet. They also needed to train soldiers to operate them pic.twitter.com/tOIyM3jXZs

— Mari Saito (@saitomri) October 26, 2022

Më 19 korrik, katër muaj pas pushtimit të zonës, pushtuesit rusë u përballën me sfidën e tyre të parë serioze nga forcat e armatosura ukrainase, tregojnë dokumentet.

Në mbledhjen e rregullt të mëngjesit në bunker, raportet që iu dorëzuan komandantit, kolonel Popov, ishin të zakonshme: Nata e kaluar ishte relativisht e qetë dhe pozicionet e armikut të pandryshuara. Në rendin e ditës: gjuajtje me artileri mbi pozicionet e Ukrainës.

Por nga pasditja e hershme, një kolonë ushtarësh ukrainas të mbështetur nga tanke dhe të mbrojtur nga zjarri i artilerisë sulmuan vijën e frontit rus pranë Hrakow – një fshat në skajin veriperëndimor të territorit të mbajtur nga forcat Balaklia.

Në orën 15:00, një rus i paidentifikuar në vijën e frontit pranë Hrakowit u raportoi komandantëve të tij në Balaklia se pozicioni ishte pushtuar dhe se ai duhej të tërhiqej. Ai kërkoi sulme artilerie për të shkatërruar pozicionin që po largohej. Pastaj komunikimi humbi.

Në bunkerin Balakli, një oficer anonim i stafit shkroi në fletoren e tij “Municionet po mbarojnë”.

Komandanti i Qarkut Ushtarak Perëndimor, një nga oficerët më të lartë rusë, kërkoi një informim mbi situatën dhe “urdhëroi që Hrakow të mos dorëzohej”, sipas shënimeve në fletore. Sipas të dhënave zyrtare, komandanti në atë kohë ishte gjeneral-koloneli Alexander Zhuravlilov, i cili u shkarkua nga Putin. Analistët e pavarur ushtarakë rusë CIT thanë, megjithatë, se Zhuravilov ishte zëvendësuar nga gjeneral-lejtnant Andrey Sichevoi deri në korrik.

Dokumentet në bunker tregojnë se komandantët rusë ishin të vetëdijshëm për mangësitë e forcave të tyre.

Raporti i përditshëm i 21 korrikut përmbante një lajm alarmues për kolonelin Popov, komandantin e forcave në Balaklia: agjencia ruse e inteligjencës, FSB, kishte mësuar se forcat ukrainase po sillnin në zonë tre raketahedhës shumë të saktë HIMARS, të furnizuara nga Shtetet e Bashkuara. Dhe Ukraina përcaktoi vendndodhjet e një poste komanduese ruse dhe katër magazina të përdorura nga forcat Balaklia.

Tre ditë më vonë, më 24 korrik, dikush shkroi në një fletore me dorë se 12 ushtarë rusë që i përkisnin Brigadës 336 Detare të Flotës Baltike ishin vrarë në një sulm HIMARS.

Artyom Shtanko komandonte togën që ishte në qendër të betejës për Hrakovën dhe pësoi humbje, tha babai i tij Alexei për Reuters. Alexei tha se Shtanko refuzoi urdhrin për të “dërguar njerëzit e tij në zjarr artilerie”. Në bazën në Balaklia, një autor anonim shkroi në një fletore më 24 korrik – pesë ditë pas betejës për Hrakow – se Shtanko ishte një “bastard” i cili u kërcënua me procedime disiplinore sepse “i tërhoqi togat e tij”. Komandantët e Shtank e transferuan atë në një njësi tjetër, tha babai i tij për Reuters. Ai tha se Shtanko është ende duke luftuar në Ukrainë. /Telegrafi/