LAJMI I FUNDIT:

Osmani për targat: Veprimet tona janë kundër bandave, presim mbështetje nga BE e SHBA

Osmani për targat: Veprimet tona janë kundër bandave, presim mbështetje nga BE e SHBA

Presidentja e Kosovës, Vjosa Osmani, të enjten ka ngritur si shqetësim djegien e shtëpive dhe makinave të qytetarëve serbë të cilët po i konvertojnë targat e veturave të tyre nga ato ilegale në RKS.

Në një konferencë për media bashkë me presidenten e Komisionit Evropian, Ursula von der Leyen, Osmani ka thënë se kjo dëshmon që veprimet e Kosovës sa i përket targave, kanë qenë të drejta dhe janë për sundim të ligjit e barazi, por assesi kundër qytetarëve serbë.


“Sa i përket targave, mendoj se çështja që duhet ta diskutojmë sot në fakt është pak më ndryshe, pra ta shohim kontekstin e targave nga një segment tjetër. E ajo është që ka një kohë që qytetarëve serbë që po e zbatojmë ligjin, pra po i konvertojnë targat, po iu djegën shtëpitë e makinat. Rasti i fundit ka ndodhur mbrëmë. Gjithë këto veprime të strukturave ilegale e kriminale që janë në listën e zezë të SHBA-së, po dëshmojnë që kjo është çështje e sundimit të ligjit”.

“Kosova është konfirmuar si shteti me reformat më të mëdha në gjithë Evropën në fushën e sundimit të ligjit. Kjo dëshmon që veprimet tona kanë qenë të drejta, e janë për sundim të ligjit e barazi të të gjithëve, assesi kundër qytetarëve tanë serbë”, është shprehur ajo para mediave, raporton Telegrafi.

Tutje, Osmani ka thënë se ajo pakicë që akoma nuk i ka konvertuar targat, është për shkak të kërcënimeve të vazhdueshme, përfshirë djegiet e veturave e shtëpive, që po ua bëjnë strukturat ilegale kriminale.

“Lufta jonë është kundër bandave, dhe presim që të kemi përkrahjen e aleatëve tanë edhe në BE edhe në SHBA”, ka përfunduar ajo.

Për afatin e 31 tetorit që është vendosur për kthimin e targave nga ato ilegalet që qarkullojnë në Kosovë në RKS, ka folur edhe Von der Leyen, duke thënë se rregullat është e domosdoshme të respektohen.

“Rregullat janë të qarta dhe duhet të respektohen në çdo shtet. Në të njëjtën kohë nëse ka periudhë tranzitore, tranzicioni duhet të jetë përfshirës, duhet të shkojë siç duhet”, është shprehur ajo.

“Unë e di se është duke u punuar për t’i gjetur një zgjidhje dhe gjithashtu ju uroj për përpjekjet dhe për të gjitha gjërat që janë duke u bërë në kuadër të dialogut”, ka thënë Von der Leyen./Telegrafi/

Në trend Lajme

Më shumë
Shqiptohen 10 gjoba për dhënien e

Shqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij

Shëndetësi
Arrestohet një person në Bërnjak, kishte vendosur 50 euro në mesin e dokumenteve gjatë kontrollit në pikën kufitare

Arrestohet një person në Bërnjak, kishte vendosur 50 euro në mesin e dokumenteve gjatë kontrollit në pikën kufitare

Kronika e Zezë
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?

Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?

Lajme
Përleshje fizike mes dy personave në Prishtinë, një polic lëndohet gjatë intervenimit për t'i vënë në kontroll

Përleshje fizike mes dy personave në Prishtinë, një polic lëndohet gjatë intervenimit për t'i vënë në kontroll

Kronika e Zezë
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar

A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar

Lajme
Tahiri: Kurti të jap shpjegim pse Serbia mbeti e pa ndëshkuar edhe pas rastit në Banjskë

Tahiri: Kurti të jap shpjegim pse Serbia mbeti e pa ndëshkuar edhe pas rastit në Banjskë

Lajme
Kalo në kategori