Deputeti i PDK-së kërkon zbatimin e vendimit për targat: Nuk mund të presim mëshirë nga Serbia

Deputeti i PDK-së Rashit Qalaj ka komentuar zhvillimet e fundit që lidhen me paralajmërimin e Qeverisë për fillimin e zbatimit të vendimit për targave.

Qalaj që ka qene edhe drejtor i Policisë së Kosovës, thotë për RTV Dukagjinin se Qeveria duhet te implementoj vendimin për targat pasi ai është i ligjshëm.

“Unë pres disa tentativa për të shkaktuar disa trazira në atë pjesë të Kosovës, por mendoj se institucionet e Kosovës janë të përgatitura dhe iu kanë dhënë kohë të mjaftueshme qytetarëve serbe për t’i ndryshuar këto targa”.

Ai thotë se mungon guximi nga qytetarët serbë ne veri të Kosovës për të zbatuar atë vendim për shkak të presionit të Serbisë.

“Ne nuk mund të presim mëshirë nga Serbia që ajo t’i urdhërojë qytetarët të zbatojnë ligjet e Kosovës”.

Qalaj ka shprehur shqetësimin e tij në lidhje me shfaqjen e disa personave të armatosur me armë të gjata në veri të Kosovës.

“Ministri i Brendshëm i ka postuar ato pamje dhe kur kanë kaluar disa muaj, nuk është marrë asnjë veprim për arrestimin e tyre”.

Deputeti opozitarë thotë se Policia e Kosovës duhet të lehet e lirë të veprojë dhe politika të mos përzihet./Telegrafi/