Barcelona – Inter: Statistika, analizë, formacionet e mundshme dhe parashikim

Barcelona dhe Interi do të luajnë mes vete në ndeshjen derbi të ditës së sotme (e mërkurë) në kuadër të ndeshjeve të katërta të grupeve në Ligën e Kampionëve.

Katalunasit janë nikoqir të Nerazzurrëve në takimin e vlefshëm për Grupin H dhe duan fitore pas humbjes 1-0 javën e kaluar në Giuseppe Meaza.

Vendi: Camp Nou

Koha: 21:00

Lajme rreth ekipeve

Barcelona

Frenkie de Jong u kthye në aksion gjatë fundjavës, megjithëse mund të duhet të kënaqet me një vend në stol.

Xavi mbetet pa më pak se gjashtë lojtarë, me Franck Kessie, Hector Bellerin dhe Ronald Araujo mes atyre që mungojnë.

Ansu Fatit mund t’i jepet fanella e titullarit përpara Raphinhas në krahun e majtë këtu.

Inter

Romelu Lukaku do të shpresojë të bëjë paraqitjen e tij të parë që nga gushti, megjithëse nuk ka gjasa të startojë.

Me mungesën e Joaquin Correas, Edin Dzeko pritet t’i bashkohet Lautaro Martinezit në vijën e parë të sulmit.

Fakte

Barcelona ka fituar gjashtë ndeshjet e fundit në shtëpi kundër Interit në të gjitha garat.

Ka pasur nën tri gola të shënuar në shtatë ndeshjet e fundit të Interit në Ligën e Kampionëve.

Barcelona ka shënuar të paktën dy gola në pesë nga gjashtë ndeshjet e fundit në shtëpi kundër Interit në të gjitha garat.

Analizë

Barcelona e gjen veten në vendin e tretë në Grupin C pas dy humbjeve radhazi dhe duhet të fitojë këtu dhe dy ndeshjet tjera për të rritur shanset e tyre për të kaluar në raundin tjetër.

Pas disa humbjeve radhazi, Interi u përgjigj me fitore ndaj Barcelonës dhe Sassuolos. Ata kurrë nuk kanë fituar në Camp Nou në historinë e tyre, duke humbur pesë vizitat e tyre në Barcelonë.

Me më shumë në lojë, Barcelona duhet të pretendojë një fitore jetike këtu.

Formacionet e mundshme

Barcelona (4-3-3): Ter Stegen; Sergi Roberto, Pique, Eric Garcia, Marcos Alonso; Gavi, Busquets, Pedri; Dembele, Lewandowski, Ansu Fati.

Inter (3-5-2): Onana; Skriniar, De Vrij, Bastoni; Dumfries, Barella, Calhanoglu, Mkhitaryan, Dimarco; Dzeko, Lautaro.

Parashikimi: Barcelona 2-1 Inter

/Telegrafi/