James ofron detaje shtesë për lëndimin që e pësoi ndaj Milanit

Reece James thotë se po kryqëzon gishtat me shpresën se lëndimi i tij nuk është serioz pasi shanset e tij në Kupën e Botës u vunë në dyshim.

Mbrojtësi 22-vjeçar çaloi gjatë fitores 2-0 të Chelseat kundër Milanit në Ligën e Kampionëve të martën, me më pak se gjashtë javë deri sa Anglia të niset në Katar. Lojtari kishte qenë në formë të mirë këtë sezon – ndryshe nga shumë nga shokët e tij të skuadrës si për klubin ashtu edhe për vendin – por u rrëzua dy herë në San Siro përpara se të zëvendësohej në minutën e 62-të.

Trajneri i Chelseat, Graham Potter , zbuloi pas ndeshjes se ai shpreson se mbrojtësi i tij i djathtë do të ishte gati për udhëtimin e tyre të së dielës në Aston Villa në Ligën Premier, dhe tani James ka folur për situatën e tij.

“T’i mbajmë gishtat e kryqëzuara, nuk është një gjë e keqe”, shkroi në Twitter lojtari pas fitores së Bluve. “Dashuri për të gjitha mesazhet, ju vlerësoj të gjithëve”.

Lëndimi i James mund të vijë si një goditje e madhe për planet e trajnerit të Anglisë, Gareth Southgate për Kupën e Botës, me Tre Luanët tashmë në një krizë të përzgjedhjes në mbrojtje. Kyle Walker i Manchester Cityt, një shtyllë e mbrojtjes së Southgate, po përballet me një garë me kohën për t’u rikuperuar nga operacioni në ijë të cilit iu nënshtrua javën e kaluar.

Por, Potter është ende relativisht pozitiv për James, duke deklaruar në Milano: “Ne shpresojmë që Reece të jetë mirë (për ndeshjen tjetër). Është shumë herët për të dhënë diçka më shumë se kaq”. /Telegrafi/