UEFA nuk e ka përjashtuar mundësinë e ndërmarrjes së veprimeve të mëtejshme kundër Bjellorusisë pasi ky vend vendosi trupa së bashku me forcat ruse pranë Ukrainës të hënën.
Presidenti i Bjellorusisë, Alexander Lukashenko, konfirmoi dje se ai kishte urdhëruar trupat të vendoseshin së bashku me forcat ruse, duke pretenduar se kishte një sulm të planifikuar në vendin e tij nga Ukraina.
“Sulmet në territorin e Bjellorusisë nuk po diskutohen vetëm sot në Ukrainë, por gjithashtu po planifikohen. Ata po shtyjnë një luftë kundër Bjellorusisë dhe duan të na tërheqin atje”, ka thënë ai.
Megjithatë, asnjë provë nuk u dha për pretendimet e Lukashenkos, ndërsa Bjellorusia mbetet aleati kyç i Rusisë.
Forcat ruse përdorën gjithashtu vendin e Lukashenkos si një stacion për pushtimin e tyre në Ukrainë në shkurt, duke dërguar trupa dhe pajisje në Ukrainën veriore nga bazat në Bjellorusi, pasi ky vend është në kufi me Ukrainën në veri-perëndim.
UEFA nuk po qëndron duarkryq
UEFA ka konfirmuar se ka ‘monitoruar vazhdimisht situatën’ në Bjellorusi dhe nuk përjashtoi marrjen e ‘vendimeve të mëtejshme’ kundër këtij shteti.
Rusisë tashmë i është ndaluar të marrë pjesë në Euro 2024, e cila do të mbahet në Gjermani, për shkak të luftës në Ukrainë. Rusia u përjashtua gjithashtu edhe nga Kupa e Botës 2022 në Katar pasi pushtoi Ukrainën në fillim të këtij viti.
Ata ishin kualifikuar në play-off të Kupës së Botës dhe duhej të përballeshin me Poloninë në mars, por FIFA pezulloi ekipet kombëtare ruse nga të gjitha garat.
Rusia apeloi kundër ndalimeve nga FIFA dhe UEFA, por Gjykata e Abritrazhit Sportiv (CAS) e hodhi poshtë ankesën.
Megjithatë, bjellorusët nuk janë përballur me sanksione të ngjashme dhe ishin pjesë e shortit të kualifikimeve për Euro 2024 që u zhvillua të dielën.
Bjellorusia është në një grup me Kosovën, ndërsa pjesë e Grupit I janë edhe Zvicra, Izraeli, Rumania dhe Andorra.
View this post on Instagram
Bjellorusia ka vazhduar të luajë, por ndeshjet e saj i ka luajtur me dyer të mbyllura dhe jashtë vendit të tyre.
Në qershor, ndeshjet e tyre si vendas i kanë luajtur në Serbi, ndërsa këto të fundit ata luajtën me Kazakistan dhe Sllovaki.
Ndeshjen e parë Kosova ndaj Bjellorusisë e luan në cilësinë e mysafirit më 19 qershor 2023, ndërsa i mbyll kualifikimet në shtëpi më këtë kundërshtarë më 21 nëntor të po atij viti.
Ministri i Brendshëm i Gjermanisë ka kërkuar më parë që Bjellorusia të përjashtohet nga turneu i EURO 2024.
“Komiteti Ekzekutiv i UEFA-s vendosi në mars të parandalojë që ndeshjet të luhen në territorin e Bjellorusisë deri në një njoftim të dytë. Që atëherë, UEFA ka monitoruar vazhdimisht situatën dhe mund të merren vendime të mëtejshme sipas nevojës”, thuhet në deklaratën e UEFA-s për The Athletic.
Bjellorusia nuk është kualifikuar kurrë për një turne të madh dhe aktualisht renditet në vendin e 97-të në renditjen botërore të FIFA-s.
Ky vend nuk e njeh Kosovën dhe ka gjasa që ndeshja mes tyre dhe ekipit tonë të sjell probleme, pasi që duhet të luhet në vend neutral dhe ka pak vende demokratike që ia hapin Bjellorusisë derën të luajnë. /Telegrafi/
Promo
Reklamo këtuLufta Prigozhin - Putin
Më shumëCaktohet gjyqtari për ndeshjen kthyese Real-Bayern: Fat i keq për Los Blancos
Humbi një rast të artë dhe u kritikua nga tifozët - ylli i Liverpoolit fshinë të gjitha postimet me fanellën e The Reds
Xavi ka prishur marrëdhëniet me lojtarin e Barcelonës: "Ai as që flet me të, nuk është e drejtë"
Një ish-lojtar i Pep Guardiolës hyri në dhomën e zhveshjes pas fitores rekorde të Man Cityt
Real Madrid po përgatit një njoftim special për Mbappen
Bisedimet kanë nisur, Jose Mourinho befason të gjithë me skuadrën e tij të re
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'